لە یەكەمین كۆبونەوەیدا زەیدی چەند بڕیار و رێنماییەکی گرنگی دەرکرد

نوسینگەی رۆژنامەوانی ئەنجومەنی وەزیرانی عیراق

کۆبوونەوەی ئەنجومەنی وەزیرانی عیراق

ئەمڕۆ شەممە 16ی5ی2026 عەلی زەیدی سەرۆکوەزیرانی عیراق سەرۆكایەتی یەكەمین كۆبوونەوەی ئەنجومەنی وەزیرانی كرد و تێیدا چەند بڕیار و رێنماییەکی گرنگ دەرچوون.

هاوکات لە بەیاننامەیەکدا نوسینگەی راگەیاندنی سەرۆكوەزیرانی عیراق گرنگترین بڕیارو ڕێنماییەكانی كۆبونەوەكەی بڵاوكردەوە كە پێكهاتوون لە:

-ئاشکراکردنی سەروەت و سامانی دارایی لە ماوەی یەک هەفتەدا، لەڕۆژی دەرچوونی ئەم رێنماییەوە.

-لەم کاتەدا هیچ گۆڕانکارییەک لە کارمەندان و پێكهاتەو هەیكەلی وەزارەتەکاندا ناكرێت.

-دیاریكردنی بەڕێوەبەری نوسینگەی وەزارەتەكان لە ناو خودی وەزارەتەوە دەبێت، هەروەها گرنگیدان بە فەرمانگەی راگەیاندنی وەزارەت و پێشکەشکردنی روماڵی میدیایی پرۆفیشناڵ بۆ کاروچالاکییەکانی وەزارەت.

- پەرەپێدانی دیدێکی روون بۆ بەڕێوەبردنی وەزارەت و پێداچوونەوە و ئاسانکردنی رێکارەکان بۆ زوو راییكردنی مامەڵەی هاووڵاتیان.

-هەماهەنگی لەگەڵ پارێزگارەکان بۆ چارەسەرکردنی ئەوئاڵنگاریانەی کە رووبەڕوی پارێزگاکان دەبێتەوە، پێداچوونەوە بە بودجەی وەزارەت و ئەولەویەت بۆ دەستپێكردنەوەی پرۆژە راگیراوەكان.

PUKMEDIA