تەندروستیی عیراق: لەسەرەتای ئەمساڵەوە 4 کەس بە تای خوینبەربوون گیانیان لەدەستداوە

PUKMEDIA

ڤایرۆسی تای خوێنبەربوون

وەزارەتی تەندروستیی عیراق تۆمارکردنی 15 تووشبووی نوێ و حاڵەتێکی گیانلەدەستدان بە تای خوێنبەربوون رادەگەیەنێت، ئاماژە بەوەشدەکات، بەپێی ئامارەکان لەسەرەتای ئەمساڵەوە 4 کەس بە پەتاکە گیانیانلەدەستداوە، هاوکات داواکارییەکیش ئاڕاستەی کاسبکاران و هاووڵاتیان دەکات.

ئەمڕۆ دووشەممە 11ی5ی2026سەیف بەدر وتەبێژی وەزارەتی تەندروستیی عیراق، تۆمارکردنی 15 تووشبووی نوێ و حاڵەتێکی گیانلەدەستدانی بە تایی خوێنبەربوون راگەیاند، هاوکات ئاماری کۆی گشتی ئەمساڵی راگەیاند ئاماژەی بەوەکرد، لەسەرەتای ئەمساڵەوە تائێستا 48 تووشبوونی پشتڕاستکراوە و چوار حاڵەتی گیانلەدەستدان هەبوون.

هاوکات، لەڕاگەیەنراوەکەدا وەزارەتی تەندروستیی عیراق هۆکارە راستەوخۆکانی نەخۆشییەکە و نیشانەکانی بیرهێنایەوە و ئاماژەی بەوەکرد، دەستنیشانکردنی پێشوەختە و چارەسەری ناو نەخۆشخانە دەبێتە هۆی چاکبوونەوە، پێویستیشە گۆشتفرۆشان و ئاژەڵداران جلوبەرگی پارێزەر، دەستکێش و دەمامک بەکاربهێنن و گۆشت لە پلەی گەرمی نزمدا و لەناو فرێزەردا هەڵبگرن.

PUKMEDIA