پزیشكێك لەپەكینەوە نەشتەرگەری بۆ نەخۆش لەوڵاتانی دیكە دەكات

cgtn

پزیشكێك لەپەكینەوە نەشتەرگەری بۆ نەخۆش لەوڵاتێكی تر دەكات

ئەوەی جیهانی سەرسام كردووە، تەنها ئەنجامدانی نەشتەرگەری نییە لەنێوان شارەكانی چیندا، بەڵكو بەكارهێنانی پلاتفۆرمە رۆبۆتییەكانە بۆ ئەنجامدانی نەشتەرگەری بۆ نەخۆشەكانی دەرەوەی وڵات، لەو چوارچێوەیەدا پزیشكە پسپۆڕەكانی چین ئێستا دەتوانن لەڕێگەی ئامێری كۆنترۆڵەوە لە ناوخۆی چین، قۆڵە رۆبۆتییەكان لە وڵاتێكی تر بجوڵێنن و ئاڵۆزترین نەشتەرگەرییەكان بە وردییەكی بێوێنە ئەنجام بدەن.

میدیاكان دەڵێن: حكومەتی چین ستراتیژییەتی خۆی لەكەرتی تەندروستیدا گۆڕیوە، لە تەنها دابینكردنی خزمەتگوزاری سەرەتایییەوە بۆ دابینكردنی بەرزترین كوالێتی چارەسەر. لەم گۆڕانكارییەدا، تەكنەلۆژیای نەوەی پێنجەم و ڕۆبۆتە زیرەكەكان رۆڵی سەرەكی دەگێڕن لە سڕینەوەی سنوورە جوگرافییەكان.

مێژووی ئەم شۆڕشە دەگەڕێتەوە بۆ ساڵی 2019، كاتێك یەكەمین نەشتەرگەریی ئێسك و جومگە بە هاوكاری رۆبۆت و تەكنەلۆژیای نەوەی پێنجەم لەچین بە سەركەوتوویی ئەنجامدرا. لەو كاتەوە، نەخۆشخانە گەورەكانی شارەكانی وەك پەكین، شەنگەهای و ووهان خزمەتگوزارییەكانی نەشتەرگەری لە دوورەوە بۆ زۆربەی بەشە پزیشكییەكان فراوان كردووە.

 PUKMEDIA