ئاسایشی هەرێم: گروپێکی نێودەوڵەتی ماددەی هۆشبەر دەستگیردەکرێن

PUKMEDIA

لۆگۆی ئاسایش

دەزگای ئاسایشی هەرێم، دەستگیرکردنی گروپێکی نێودەوڵەتی ماددەی هۆشبەر ڕادەگەیەنێت و دەستدەگرن بەسەر یەک ملیۆن حەبی کاپتاگۆن و 100 کیلۆگرام حەشیش.

دەزگای ئاسایشی هەرێم لە راگەیەندراوێکدا کە کۆپییەکی دەست PUKMEDIA کەوتوە رایگەیاند: لەماوەکانی ڕابردوودا و لە ئۆپراسیۆنێکی هەواڵگری هاوبەشی نێوان دەزگای هەواڵگری نیشتمانی عیراق و ئاژانسی پاراستن و زانیاری/زانیاری و بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم، توانرا گروپێکی نێودەوڵەتی بازرگانیکردن بەماددەی هۆشبەر لەچەند پارێزگایەکی عیراق و هەرێمی کوردستان دەستگیربکەن و دەستبگرن بەسەر زیاتر لە یەک ملیۆن دەنک حەبی کاپتاگۆن و ( 100) کیلۆگرام ماددەی هۆشبەر لەجۆری حەشیش و ڕێگری لەناردنە دەرەوەی ماددەکان بۆ دەرەوەی وڵات بکرێت.


لەئێستادا سەرجەم تۆمەتبارانی گروپەکە بەماددەی ( 28) لەیاسای ماددە هۆشبەرەکان و کارتێکارە عەقڵییەکان ژمارە (50)ی ساڵی 2017ی عیراقی ڕاگیراون و لێکۆڵێنەوە لەدۆسییەکانیان بەردەوامە.

PUKMEDIA