ڕۆمی: سەدان خێزانی کورد بۆ وەرگرتنی ناسنامە ناویان تۆمار کردووە

هاوار نیوز

سەرۆکی شارەوانی کۆبانی

پڕۆسەی تۆمارکردنی کوردانی بێ ناسنامە لە شاری کۆبانی بەردەوامە و تا ئێستاش سەدان خێزانی کورد خۆیان بۆ وەرگرتنی رەگەزنامە تۆمارکردووە.

ئەڵماز رۆمی سەرۆکی شارەوانی کۆبانی لە رۆژئاڤای کوردستان رایگەیاند: دوای زیاتر لە مانگێک  300 خێزانی کورد ناوی خۆیان بۆ رەگەزنامە تۆمار کردووە و پڕۆسەی ناونوسینیش بەردەوامە.

ئەمەش لەکاتێکدایە، لە سەردەمی رژێمی بەعسدا ژمارەیەکی زۆر لە کوردەکان بێ ناسنامە مانەوە و روبەڕووی ئاستەنگی زۆریش بوونەوە، دوای دەستەبەرکردنی مافەکانی گەلی کورد و داننان بە بوونیان کە یەکێک بوو لە بڕگەکانی رێککەوتنی 29ی كانونی دووەمی نێوان هێزەکانی سوریای دیموکرات و حکومەتی کاتی سوریا،رەگەزنامە بەو کوردانە درا کە بە بیانی هەژمار دەکران و ناوەندەکانی تۆماری رەگەزنامە کرانەوە.

PUKMEDIA