مەكتەبی سیاسی: رووداوە دڵتەزێنەكەی كەركوك دڵگرانیكردین

PUKMEDIA

یەكێتیی نیشتمانیی كوردستان

مەكتەبی سیاسی یەكێتیی نیشتمانیی كوردستان، پەیامێكی پەیامی ماتەمینی و سەرەخۆشی لەبارەی رووداوە دڵتەزێنەكەی كەركوك بڵاوكردەوەو وێڕای هاوخەمی بۆ كەسوكاری قوربانییەكان، هیوای زوو چاكبوونەوەش بۆ بریندارەكان دەخوازێت.

دەقی پەیامەكە:

پەیامی ماتەمینی و سەرەخۆشی مەكتەبی سیاسیی

رووداوە دڵتەزێن و كارەساتبارەكەی شەقامی دەروازەی شاری كەركوك، لەناخەوە دڵگرانیكردین و لەیەزدانی مەزن داواكارین كۆچكردووانی رووداوەكە بە بەهەشتی بەرین شاد بكات و ئارامی بەكەسوكار و خانەوادەكانیان  ببەخشێت.

بۆ بریندارەكانیش هیوای هەر چی زووە چاكبوونەوەیان بۆ دەخوازین.
سەرەخۆشی لە كۆمەڵانی خەڵكی كەركوك دەكەین.

نزامانە كەركوك و كەركوكییەكان بەدوور بن لەهەر رووداوێكی دڵتەزێن و هەموو تازێ بارییەك.

مەكتەبی سیاسی 
یەكێتیی نیشتمانیی كوردستان

PUKMEDIA