riklam

رفعەت عەبدوڵڵا: بۆردوومانکردنی قەڵادزێ هەوڵێکی نەزۆکى شکاندنی ئیرادەی گەلەکەمان بوو

کوردستان 06:46 PM - 2026-04-24
رفعەت عەبدوڵڵا جێگری سەرۆکی یەکێتیی نیشتمانیی کوردستان نوسینگەى رۆژنامەوانى رفعەت عەبدوڵڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

رەفعەت عەبدوڵڵا جێگری سەرۆكی یەكێتی

رفعەت عەبدوڵڵا جێگری سەرۆکی یەکێتیی نیشتمانیی کوردستان، لەساڵیادى 52 ساڵەى بۆردوومانکردنی قەڵادزێ و زانکۆی سلێمانی هاوکات یادی 44 ساڵەی راپەڕینی قەڵادزێ پەیامێکى بڵاوکردەوە و رایگەیاند: بەشکۆدارییەوە یادی 52 ساڵەی قوربانی و شەهیدانی بۆردوومانكردنی شاری قەڵادزێ و بەتایبەتی زانكۆی سلێمانی لە ئامێزی ئەو شارە خۆڕاگرە دەکەینەوە، بەئامانج گرتنی زانكۆ و پەلاماردانی شاری قەڵادزێ کە رژێمی پێشووی عیراق بەمەبەستی شکاندنی ئیرادەی گەلەکەمان ئەنجامیدا هەوڵێکی نەزۆک و بێئاکامی تریان بوو دژ بەویستی ئازادیخوازانەی میللەتەکەمان.

دەقى پەیامەکە:

لەساڵیادی هەردوو کارەساتی بۆردومانکردنی شاری قەڵادزێی دووجار شەھیددا، سەری رێز و نەوازش بۆ گیانی پاکی شەهیدانی هەردوو کارەساتەکە دادەنوێنین.

بەشکۆدارییەوە یادی 52 ساڵەی قوربانی و شەهیدانی بۆردوومانكردنی شاری قەڵادزێ و بەتایبەتی زانكۆی سلێمانی لە ئامێزی ئەو شارە خۆڕاگرە دەکەینەوە، بەئامانج گرتنی زانكۆ و پەلاماردانی شاری قەڵادزێ کە رژێمی پێشووی عیراق بەمەبەستی شکاندنی ئیرادەی گەلەکەمان ئەنجامیدا هەوڵێکی نەزۆک و بێئاکامی تریان بوو دژ بەویستی ئازادیخوازانەی میللەتەکەمان، سەرەنجام خۆڕاگرى و مانەوە و ئیرادەی ژیاندۆستی و ئاوەدانکردنەوە و شارستانی گەلەکەمان سەرکەوت و بکەرانی ئەم تاوانە قێزەونە لەبەردەم ویستی ئازادیخوازی و دادپەروەری میللەتەکەماندا لەلاپەڕە رەشەکانی مێژوودا پێچرانەوە.

له‌م یاده‌دا، دروود و سڵاو بۆ گیانی پاکی شەهیدانی بۆمبارانی ساڵی 1974 و راپەڕینە پیرۆزەکەی ساڵی 1982ی قەڵادزێی خۆڕاگر و سەرجەم شەهیدانی کوردستان.

ڕفعەت عەبدوڵا
جێگری سەرۆکی یەکێتیی نیشتمانیی کوردستان


PUKMEDIA 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket