‎‎ دووبارە نرخی بەرمیلێك نەوت 100 دۆلاری تێپەڕاند

ميدياكان

نەوت

ئێوارەی ئەمڕ‌ۆ چوارشەممە22ی4ی2026  جارێكی دیكە نرخی نەوت لە بازڕەكانی جیهان بەرزبووەوەو گەیشتە 101 دۆلار بۆ هەر بەرمیلێك.

بەپێی دوایین زانیارییەكان ئێوارەی ئەمڕۆ جارێكی دیكە نرخی بەرمیلێك نەوتی خاوی برێنت بە 101 دۆلار و 66 سەنت مامەڵەی پێوەكرا، لەكاتێكدا دوێنێ بە 98 دۆلار و 48 سەنت مامەڵەی پێوەكراوە.

هەروەها نرخی بەرمیلێك نەوتی خاوی ئەمریكی-ش گەیشتە 92 دۆلار و 22 سەنت، بەمەش نرخەكەی زیاتر لە 2.5% بەرزبووەوە، دوای ئەوەی دوێنێ بە 89 دۆلار و 67 سەنت بوو.

بەرزبوونەوەی نرخی نەوت بەڕێژەی 3% هاوكاتە لەگەڵ راپۆرتەكانی پەیوەندیدار بە دابەزینی لەناكاوی داهاتی سووتەمەنی گەنجینەكانی ئەمریكا.

هەروەها داخستنەوەی گەروی هورمزیش، كاریگەری راستەوخۆی لەسەر بەرزبوونەوەی نرخی نەوت هەیەو نرخی بەرمیلێك نەوتی گەیاندەوە سەرووی 100 دۆلار و چاوەڕوانیشدەكرێت بەهۆی داخستنی گەروەكەو پەككەوتنی دانووستانەكانی نێوان ئەمریكاو ئێران نرخی نەوت بەرزتر ببێتەوە، كە بەراورد بە هەفتەی رابردوو نرخی هەر بەرمیلێك 12 دۆلار بەرزبووەتەوە.

PUKMEDIA