قوباد تاڵەبانی لەگەڵ سەرۆکی یەکێتیی تۆپی پێی عیراق کۆبووەوە

نوسینگەى راگەیاندنى قوباد تاڵەبانى

قوباد تاڵەبانی جێگری سەرۆکوەزیرانى حکومەتى هەرێمى کوردستان و سەرۆکی یەکێتیی تۆپی پێی عیراق

قوباد تاڵەبانی، جێگری سەرۆکوەزیران پێشوازی کرد لە عەدنان درجال، سەرۆکی یەکێتیی تۆپی پێی عیراق و پێکەوە لەبارەی دۆخی وەرزش لە عیراق و کوردستان گفتوگۆیان کرد.

لە کۆبوونەوەکەدا کە رۆژی دووشەممە (20/4/2026) بەڕێوەچوو، قوباد تاڵەبانی پیرۆزبایی لە سەرۆکی یەکێتیی تۆپی پێی عیراق کرد بەبۆنەی سەرکەوتنی مێژوویی هەڵبژاردەی عیراق بۆ مۆندیال و هەوڵەکانی بەرز نرخاند لە بەرەوپێشبردنی تۆپی پێی عیراقدا.

هەردوولا بە گرنگیان زانی ئاستی هاوکاری و هەماهەنگی نێوان هەرێم و بەغدا بەهێزتر بکرێت بۆ زیاتر بە پیشەییکردنی تۆپی پێ و هەروەها بەهێزترکردنی ئاستی یانەکان و دروستکردنی ژێرخانێکی پتەو بۆ پەروەردەکردن و پێگەیاندنی یاریزانی پیشەیی.

لە کۆتایی کۆبوونەوەکەدا عەدنان درجال، درێسی ‌هەڵبژاردەی عیراق و تۆپی تایبەتی مۆندیالی 2026ی وەک دیاری پێشکەش بە جێگری سەرۆکوەزیران کرد.

PUKMEDIA