پەرلەمانتارێكی پارتی رەوانەی لیژنەی رەفتاريی پەرلەمانی دەكرێت

PUKMEDIA

ئەنجومەنی نوێنەرانی عیراق

بڕیاردەری ئەنجومەنی نوێنەرانی عیراق داوا دەكات، ئیخلاس دلێمی پەرلەمانتاری پارتی رەوانەی لیژنەی رەفتاريی پەرلەمان بكرێت و 127 ئیمزاش كۆكراوەتەوە.

ئیڤان فایەق جابرو، بڕیاردەری ئەنجومەنی نوێنەران، بەنوسراوێكی رەسمی، داوای لەسەرۆكی ئەنجومەنی نوێنەرانی عیراق كرد، ئیخلاس دلێمی پەرلەمانتاری پارتی دیموكراتی كوردستان، رەوانەی لیژنەی رەفتاريی پەرلەمان بكات و 127 ئیمزاشی هاوپێچی داواكارییەكەی كردووە.

بڕیاردەری ئەنجومەنی نوێنەرانی عیراق، هۆكاری داواكەی بۆ ئەوە گێڕاوەتەوە كە پەرلەمانتارەكەی پارتی ویستویەت گومان لەسەر رێژەی یاسایی بەشداربووانی هەڵبژاردنی سەرۆك كۆمار  دروستبكات و  گومان بخاتە سەر رێككارەكان، ئەمە جگە لەوەی چەندین وتەی نەشیاوی بەكارهێناوە.

ئەمەش لەكاتێكدایە، رۆژی 11ی4ی2026، ئەنجومەنی نوێنەرانی عیراق، نزار ئامێدی وەك سەرۆك كۆمار هەڵبژارد و بایكۆتی فراكسیۆنی پارتی كاریگەری لەسەرپڕۆسەكە دروست نەكرد.

PUKMEDIA 

دەقی داواكارییەكە: