قوباد تاڵەبانی پیرۆزبایی ئاڕاستەی سەید عەممار حەكیم دەكات

راگەیاندنی قوباد تاڵەبانی

قوباد تاڵەبانی، جێگری سەرۆكوەزیرانی هەرێم، سەید عەممار حەكیم

قوباد تاڵەبانی، جێگری سەرۆكوەزیرانی هەرێمی كوردستان، بەبۆنەی دووبارە هەڵبژاردنەوەی سەماحەتی سەید عەممار حەكیم، وەك سەرۆكی رەوتی حیكمەی نیشتمانی بۆ خولێكی نوێ، پەیامێكی پیرۆزبایی ئاڕاستەی سەید عەممار حەكیم دەكات كە ئەمە دەقەكەیەتی:

بەڕێز جەنابی سەماحەتی سەید عەممار حەكیم 

بەبۆنەی دووبارە هەڵبژاردنەوەتان وەك سەرۆكی رەوتی حیكمەی نیشتمانی بۆ خولێكی نوێ، گەرمترین پیرۆزباییتان ئاڕاستە دەكەم و لە راپەڕاندنی ئەرك و بەرپرسیارێتییەكانتان بۆ ئەم قۆناغە گرنگە، هیوای سەركەوتنتان بۆ دەخوازم.

دووبارەبوونەوەی متمانەدان بە بەڕێزتان، رەنگدانەوەی رۆڵی كاریگەرتانە لە گۆڕەپانی سیاسیی عێراق و بەشداربوونی كاراتانە لە بەهێزكردنی كاری نیشتمانیی هاوبەش لەنێوان پێكهاتە جیاوازەكانی گەلی عێراق، بەو ئاراستەیەی كە خزمەت بە سەقامگیریی وڵات دەكات.

چاوەڕوانی هەوڵی بنیاتنەری زیاترین بۆ برەودان بە هاوكاری و لێكتێگەیشتن لەنێوان هەموو هێزە نیشتمانییەكان بە جیاوازیی بیروبۆچوون و ئینتیماكانیانەوە.
لەگەڵ ئەوپەڕی ڕێز و خۆشەویستیم.

قوباد تاڵەبانی 
جێگری سەرۆكوەزیرانی هەرێمی كوردستان

PUKMEDIA