ئێران گه‌شته‌ ئاسمانییه‌كانی ده‌ستپێده‌كاته‌وه‌

simpleflying

فڕۆکەیەک

دوای ئاگربه‌ست له‌نێوان ئه‌مریكا و ئێراندا، گه‌شته‌ ئاسمانییه‌كانی وڵاتانی كه‌نداو به‌ڕووی وڵاتاندا كرانه‌وه‌ و ئه‌مڕۆش گه‌شته‌كانی ئێران ده‌ستیپێكرده‌وه‌.

ده‌سه‌ڵاتی فڕ‌ۆكه‌وانی مه‌ده‌نی ئێران رایگه‌یاند، له‌ سه‌عات 7ـی به‌یانی ئه‌مڕ‌ۆوه‌ 18ی4ی2026 ژماره‌یه‌ك فڕ‌ۆكه‌خانه‌ی وڵاته‌كه‌یان به‌ڕ‌ووی گه‌شته‌ نێوده‌وڵه‌تییه‌كاندا كراونه‌ته‌وه‌ و له‌ته‌واوی فڕ‌ۆكه‌خانه‌كانی دیكه‌ش ئاماده‌كارییه‌ ته‌كنییه‌كان بۆ ده‌ستپێكردنه‌وه‌ی گه‌شته‌كان به‌رده‌وامه‌.

ئه‌مه‌ش له‌كاتێكدایه‌، دوای 40 رۆژیش ده‌سه‌ڵاتی فڕ‌ۆكه‌وانی مه‌ده‌نی عیراق ده‌ستپێكردنه‌وه‌ی گه‌شته‌ ئاسمانییه‌كانی راگه‌یاند و له‌ئێستادا سه‌رجه‌م فڕۆكه‌خانه‌كانی عیراق گه‌یشته‌كانی ده‌ستپێكردوه‌ته‌وه‌.

به‌پێی دوایین ئاماره‌ ره‌سمییه‌كانی وڵاته‌كه‌، ئێران نزیكه‌ی 319 بۆ 330 فڕ‌ۆكه‌خانه‌ی هه‌یه‌ (به‌ هه‌موو جۆره‌كانییه‌وه‌ گشتی، سه‌ربازی و تایبه‌ت)، به‌ڵام فڕ‌ۆكه‌خانه‌ نێوده‌وڵه‌تییه‌كان 13 فڕۆكه‌خانه‌یه‌ و نزیكه‌ی 25 بۆ 30 فڕ‌ۆكه‌خانه‌ مۆڵه‌تی گه‌شتی نێوده‌وڵه‌تییان هه‌یه‌ و زیاتر بۆ وڵاتانی دراوسێ و گه‌شتی ناوخۆیی به‌كاردێن.

PUKMEDIA