سەرۆکوەزیرانی عیراق: رووڕەشی بۆ تاوانبارانی شاڵاوی ئەنفال

راگەیاندنی سەرۆکوەزیرانی عیراق

محەمەد شیاع سودانی سەرۆکوەزیرانی عیراق

محەمەد شیاع سودانی سەرۆکوەزیرانی عیراق، لەیادی 38 ساڵەی شاڵاوەکانی ئەنفالدا، پەیامێکی بڵاوکردەوە و رایگەیاند: لەگەڵ یادکردنەوەی ئەم تاوانە، شانازی بە یەکڕیزیی وڵات و برایەتی پێکهاتە و نەتەوە جیاوازەکانەوە دەکەین و رووڕەشی بۆ تاوانبارانی ئەم کارەساتە دەخوازین.

لەپەیامەکەیدا محەمەد شیاع سودانی سەرۆکوەزیرانی عیراق ئاماژەوی بەوەکرد، سێ دەیە پێش ئێستا گەلی کورد لە شار و شارۆچکە و گوندەکان ڕووبەڕووی قێزەونترین شێوەی کوشتن و ئەشکەنجە بوونەتەوە کە دوور بووە لە هەموو بەها و دابونەریت و یاساکان.

راشیگەیاند: لەگەڵ یادکردنەوەی ئەم تاوانە، شانازی بە یەکڕیزیی وڵات و برایەتی پێکهاتە و نەتەوە جیاوازەکانەوە دەکەم، کە ئێستا هەموو عیراقییەکان لە چوارچێوەی سیستەمێکی دیموکراسی، دەستووری و فرەییدا بە شکۆمەندی و ئازادی و بەبێ هیچ جیاوازی و بەئامانجگرتنێک دەژین، لەکۆتایدا رووڕەشی بۆ تاوانبارانی شاڵاوی کارەساتباری ئەنفال.

PUKMEDIA