قوباد تاڵەبانی: بەشێكی زۆری داواكارییەكانی هەڵەبجە جێبەجێ دەكەین

راگەیاندنی قوباد تاڵەبانی

سەردانی قوباد تاڵەبانی بۆ پارێزگای هەڵەبجە

قوباد تاڵەبانی، جێگری سەرۆكوەزیران، سەردانی پارێزگای هەڵەبجەی كردو بە ئامادەبوونی نوخشە ناسیح، پارێزگاری هەڵەبجە، لەگەڵ بەرپرسانی ئیداری و بەڕێوەبەرانی ناحییەكانی پارێزگاكە كۆبووەوە.

لە كۆبوونەوەكەدا كە رۆژی چوارشەممە 8ی 4ی 2026، لە دیوانی پارێزگای هەڵەبجە بەڕێوەچوو، باس لە كێشە و گرفت و كەموكوڕییە ئیدارییەكانی پارێزگای هەڵەبجە كرا، پاش گوێگرتن لە داواكاریی بەرپرسانی ئیداریی هەڵەبجە، قوباد تاڵەبانی بەڵێنی پێدان بەشێكی زۆری داواكارییەكان جێبەجێ بكات. جەختیشی كردەوە كە دەبێت بەڕێوەبەرانی دامەزراوە و فەرمانگەكانی حكومەت رێوشوێنی پێویست بگرنەبەر بۆ باشتر راپەڕاندنی كاروباری هاووڵاتییان و خزمەتكردنی باشتری دانیشتووانی هەڵەبجە.

لە بەشێكی دیكەی كۆبوونەوەكەدا جێگری سەرۆكوەزیران باسی لە پێویستیی گرنگیدانی زیاتری كرد بە كەرتەكانی كشتوكاڵ و گەشتیاری و گەشتوكاڵ لە پارێزگاكەدا و پشتیوانیی خۆی بۆ پڕۆژەكانی وەبەرهێنان لەو كەرتانەدا دەربڕی. هەروەها ئاماژەی بە فستیڤاڵی هەناری هەڵەبجەی كرد و داوایكرد پلانێكی تۆكمە ئامادەبكرێت بۆ فراوانكردن و بە نێودەوڵەتییكردنی فستیڤاڵەكە و بە دەرفەتێكی گەورەی زانی بۆ گەشەپێدانی هەردوو كەرتی كشتوكاڵ و گەشتیاریی لە هەڵەبجە.  

سەبارەت بە كەرتی تەندروستیش، قوباد تاڵەبانی بەڵێنی پێدان بەشی چاودێری چڕ لە هەڵەبجە بكرێتەوە و هەروەها گرنگی زیاتر بدرێت بە بەركەوتووانی كیمیایی و ئاسانكاریی زیاتریان بۆ بكرێت.

PUKMEDIA