دواى ئاگربەست نرخى نەوت دادەبەزێت

ig

نەوت

دواى ئاگربەست لە بازاڕەکانى جیهاندا نرخى نەوت نزمبوونەوەى بەخۆوە بینی، ئەمڕۆ یەک بەرمیل نەوتى خاوى برێنت بە  93.86 دۆلار و نەوتی خاوى تەکساس-یش بە 95.61دۆلار مامەڵەی پێوەدەکرێت.

ئەمڕۆ چوار شەممە 8ى4ى2026 نرخی نەوت لە بازاڕەکانی جیهان نزمبوونەوەى بەخۆوە بینى، نرخى یەک بەرمیل نەوتى خاوى برێنت بە 93.86 دۆلار مامەڵەی پێوەدەکرێت، هاوکات نرخی یەک به‌رمیل نه‌وتی خاوی ته‌كساسی ئه‌مریكا بە 95.61 دۆلار مامەڵەى پێوەدەکرێت.

نرخى نەوتى خاوى برێنت بە رێژەى 14.07% نزمبووە و نرخى نەوتى خاوى تەکساس-یش بە رێژەى 15.32% نزمبوەوە.

شارەزایان هۆکارى ئەم نزمبوونەوەیە لە نرخى نەوت دەگەڕێننەوە بۆ راگەیاندنی ئاگربەستی دوو هەفتەیی و وەستانی شەڕ لەلایەن ئێران و ئەمریکا و ئیسرائیلەوە.

ئەمەش لە کاتێکدایە دوێنێ نرخى یەک بەرمیل نەوتى خاوى برێنت تا نزیکەى 115 دۆلار بوو، هاوکات نرخى یەک بەرمیل نەوتی خاوى تەکساس-یش بە نزیکەى 120 دۆلار بوو.

PUKMEDIA