سکرتارییەتی سەرۆک مام جەلال: هەڤاڵ نوری پێشمەرگەی رۆژە سەختەکانە

PUKMEDIA

سەردانی سکرتاریەتی سەرۆک مام جەلال بۆلای هەڤاڵ نوری

رۆژی ٣٠ـی٣ـی٢٠٢٦ مەکتەبی سکرتارییەتی سەرۆک مام جەلال لە شاری سلێمانی سەردانی پێشمەرگەو تیکۆشەری دێرین هەڤاڵ ( نوری محەمەد سەعید ) ناسراو بە ( نوری سوور )ـیانکرد . 

مەکتەبی سکرتارییەتی سەرۆک مام جەلال بەمەبەستی ئاگاداربوون لە بارودۆخی تەندروستی هەڤاڵ نوری محەمەد وەک پێشمەرگەیەکی ئازاو دانەبڕاوی شۆڕشی نوێ لە نزیکەوە هەواڵی تەندروستییان پرسییەوەو هیوای سەلامەتی زیاتر و تەندروست باشی هەمیشەییان بۆ خواست .

مەکتەبی سکرتارییەتی بە رێزەوە خەبات و تێکۆشانی هەڤاڵ نوری سوور ییان هێنایەوە بەر باس وەک پێشمەرگەیەکی ئازاو دانەبڕاوی رۆژە سەختەکانی خەباتی کوردایەتی و شۆڕشی نوێ کە هەمیشە لە ریزی پێشەوەی کۆڕی تێکۆشان بووە ،  لە بەرامبەر ئەو رابردووەشدا سڵاوی یەکێتیانەی سەرۆک بافڵ و هەڤاڵ قوباد تاڵەبانی ـییان ئاڕاستەکردو رێزییان لە رابردووی پاک و پڕ تێکۆشانی نا .

لایخۆیەوە هەڤاڵ نوری سوور ؛ سوپاسی بەسەرکردنەوەکەی کردوو پێزانینی دەربڕی بۆ ئەو هەنگاوەی مەکتەبی سکرتارییەتی سەرۆک مام جەلال بۆ بەسەرکردنەوەی خەباتگێڕو تێکۆشەرەکانی رێگای بەرزی کوردایەتی و بە کارێکی پڕ لە وەفا دڵسۆزانەی لە قەڵەمدا .

PUKMEDIA