وتەبێژی فراکسیۆنی یەکێتی: بەشداری لە دانیشتنی هەڵبژاردنی سەرۆککۆمار دەکەین

PUKMEDIA

دیلان غەفور وتەبێژی فراکسیۆنی یەکێتی لە ئەنجومەنی نوێنەران

دیلان غەفور وتەبێژی فراکسیۆنی یەکێتی رایدەگەیەنێت: پەرلەمانتارانی یەکێتی بەشداری لە دانیشتنی ئەنجومەنی نوێنەران بۆ هەڵبژاردنی سەرۆککۆمار دەکەن و دووپاتیشی دەکاتەوە، دۆخی ناوچەکە پێویستی بە یەکلایی کردنەوەی پۆستەکان هەیە.

 دیلان غەفور وتەبێژی فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق لە لێدوانێکیدا بە PUKMEDIA ی راگەیاند:  پەرلەمانتارانی یەکێتیی بەشداری لە دانیشتنی تایبەت بە هەڵبژاردنی سەرۆککۆمار دەکەن.

ئاماژەی بەوەشکرد: کۆی ئەو ئیمزایانەی کە بۆ دانیشتنی ئەنجومەنی نوێنەران کۆکراوەتەوە بۆ هەڵبژاردنی سەرۆککۆمار، رێژەی یاسایی تێپەڕاندووە.

لە کۆتایشدا، دیلان غەفور وتەبێژی فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق ئاماژەی بەوەکرد: دۆخی ئێستا و شەڕی بەردەوامی ناوچەکە پێویستی بە پێکهێنانی حکومەتێکی بەهێز هەیە، بۆئەوەی رووبەڕووی لێکەوتە سیاسی و ئابوری و ئەمنییەکان ببێتەوە، بۆ ئەمەش پێویستە رێککارە یاساییەکان بۆ پێکهێنانی حکومەت تەواو بکەین.

ئەمەش لەکاتێکدایە، جموجوڵێک لە ناو ئەنجومەنی نوێنەران بۆ هەڵبژاردنی سەرۆککۆمار هەیە و تاوەکو ئێستا 229 ئیمزا  بۆ ئەو مەبەستە کۆکراوەتەوە.

PUKMEDIA