دەوام لە ناوەندەکانی خوێندن لە هەرێمی کوردستان دەستپێدەکاتەوە

میدیاکان

لۆگۆی وەزارەتی خوێندنی باڵا و پەروەردە

لە رۆژی 29ی3ی2026، دەوام لەسەرجەم ناوەندەکانی خوێندن لە هەرێمی کوردستان دەستپێدەکاتەوە و وەزارەتەکانی خوێندنی باڵا و پەروەردە، ڕێکارەکانی دەستپێکردنەوە رادەگەیەنن.

وەزارەتی خوێندنی باڵا و توێژینەوەی زانستی و وەزارەتی پەروەردەی هەرێمی کوردستان، لە راگەیەندراوێکی هاوبەشدا، رایانگەیاند: ئاماژە بە کۆبوونەوەی هاوبەشی هەردوو وەزارەتی خوێندنی باڵا و توێژینەوەی زانستی و وەزارەتی پەروەردە، کە لە ڕۆژی هەینی ڕێکەوتی 27ی3ی2026، ئەنجامدرا؛ بڕیار درا بە: دەستپێکردنەوەی دەوامی سەرجەم ناوەندەکانی خوێندن لە ڕۆژی یەکشەممە، ڕێککەوتی 29ی3ی2026. 

پەیوەست بە رێکارەکانی دەستپێکردنەوەی دەوام، هەردوو وەزارەت لە ڕاگەیەندراوی جیادا وردەکاریی ڕێکارەکان دەخەنە
ڕوو.

ئەمەش لەکاتێکدایە، بەهۆی جەنگی ئەمریکا و ئیسرائیل دژ بە ئێران، وەزارەتی خوێندنی باڵا و پەروەردەی هەرێم، دەوامی خوێندنیان لە 1 ی 3 ی 2026 تا 4 ی 3 ی 2026، راگرت، پاشانیش تا رۆژی 23ی3 پشوو راگەیەندرا، بڕیاریشە 29ی3ی 2026 دەوامی ئاسایی دەستپێبکاتەوە.

PUKMEDIA