کەشناسی هەرێم: بارانی بەلێزمە بەردەوام دەبێت

حەمە عومەر

بارانی بەلێزمە

بەڕێوەبەرایەتی گشتی کەشناسی و بومەلەرزەزانی هەرێمی کوردستان، پێشبینی کەشی دوو رۆژی داهاتووی بڵاوکردەوە و ئاماژەی بەوەکردووە: بارانی بەلێزمە بەردەوام دەبێت و پلەی گەرماش دادەبەزێت.

کەشناسی رایگەیاندووە: ئەمڕۆ هەینی 27ی3ی2026،ئاسمان بە گشتی هەوری باراناوی دەبێت، نمە باران و بارانی مامناوەند لە زۆربەی ناوچەکان  دەبارێت، هەندێک کات لە سنووری پارێزگای سلێمانی و ئیدارەی گەرمیان باران بە شێوەی لێزمە باران دەبێت، هەروەها بارینی بەفرێکی کەم لە ناوچە شاخاوییە سنوریەکانی باکوور و باکووری ڕۆژهەڵاتی هەرێم دەبێت.

کەشناسی هەرێم ئاماژەی بەوەشکردووە: پلەی گەرما بە 1 تــــا 3  پلە نزمتر دەبێت بەراورد بە تۆمارکراوەکانی دوێنێ.

لە بارەی کەشی سبەینێ 28ی3ی2026، کەشناسی هەرێمی کوردستان، پێشبینی دەکات: ئاسمان هەوری تەواوبێت، نمە باران و بارانی مامناوەند بە پچرپچڕی دەبارێت بە تایبەت لە ناوچەکانی باکور و باکوری ڕۆژهەڵات پێشبینی دەکرێت ڕێژەی دابارین زیاتر بێت بەراورد بە ناوچەکانی دیکە.

بەرزترین پلەکانی گەرمای پێشبینیکراو بە پلەی سیلیزی
هەولێر 13 پلەی سیلیزی
پیرمام 9 پلەی سیلیزی
سۆران 10 پلەی سیلیزی
حاجی ئۆمەران 3 پلەی سیلیزی
سلێمانی 9 پلەی سیلیزی
چەمچەماڵ 10 پلەی سیلیزی
دهۆک 13 پلەی سیلیزی
زاخۆ 14 پلەی سیلیزی
هەڵەبجە : 12 پلەی سیلیزی
گەرمیان : 15 پلەی سیلیزی

PUKMEDIA