نرخی نەوت بە بەرزی ماوەتەوە

REUTERS

نەوت

بەهۆی ئاڵۆزییەکانی رۆژهەڵاتی ناوەڕاستەوە، نرخی نەوت ناسەقامگیرە و بەرزبوونەوە و دابەزین بەخۆیەوە دەبینێت، بەڵام هێشتا نرخەکەی بەرزەوە و لە بازاڕەکانی جیهان لەسەروی 107 دۆلارەوە مامەڵەی پێوە دەکرێت.

ئەمڕۆ 27ی3ی2026، یەک بەرمیل نەوتی برێنت، بە 107 دۆلار و شەش سەنت مامەڵەی پێوە کرا، هاوکات یەک بەرمیل نەوتی خاوی تەکساسیش بە 93 دۆلار و 94 سەنت مامەڵەی پێوە دەکرێت.

هەردوو جۆرەکەی نەوت، دابەزینێکی کەمیان بەخۆیانەوە بینیوە، بەشێوەیەک  یەک بەرمیل نەوتی برێنت 39 سەنت و نەوتی خاوی تەکساسیش 54 سەنت دابەزیون.

بەهۆی جەنگی ئیسرائیل و ئەمریکا دژی ئێران لە 28ی2ی2026، نرخی نەوت بەشێویەکی بەرچاو بەرزبووەوە، کە پێش جەنگەکە یەک بەرمیل نەوتی برێنت لە نێوان 70 بۆ 73 دۆلاردا بوو، بەڵام داخستنی  گەروی هورمز، کە%20ی هەناردەی نەوتی جیهانی پێدا تێدەپەڕێت،لەگەڵ بە ئامانجگرتنی  ژێرخانی وزە ، دوو هۆکاری سەرەکی  بەرزبوونەوەی نرخی نەوتن.

PUKMEDIA