محەمەد قادر: بۆ ئازادی گەل چەكی كوردایەتیمان لە شاننا

راگەیاندنی مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای تێكۆشەری دێرین هەڤاڵ محەمەد قادر عەزیز

رۆژی 16ـی 3ـی 2026، وەفدی مەكتەبی سكرتارییەتی سەرۆك مام جەلال، لەسلێمانی سەردانی فەرماندەو تێكۆشەری دێرین هەڤاڵ محەمەد قادر عەزیز ـیانكرد .  

لەو سەردانەدا، ئەندامانی وەفدی مەكتەبی سكرتارییەتی سەرۆك مام جەلال لە بارودۆخی تەندروستی هەڤاڵی تێكۆشەر یان پرسییەوە و هیوای تەندروستی باشتر و سەلامەتی هەمیشەییان بۆ خواست .

ئەندامانی وەفدی مەكتەبی سكرتارییەتی سەرۆك مام جەلال مێژووی پاك و رابردووی پڕ لە تێكۆشانی هەڤاڵ محەمەد قادریان بە ڕێزەوە هێنایەوە بەر باس وەك فەرماندەیەكی ئازاو ورە پۆڵاینی رۆژە سەختەكانی خەباتی چەكداری شۆڕشی نوێ، كە هەر لەسەرەتاوە بە گڕوتینێكی زۆری كوردایەتی خەباتی دەكرد بۆ ئازادی گەلەكەی، لەبەرامبەر ئەو رابردووەشدا سڵاوی یەكێتیانەی سەرۆك بافڵ و هەڤاڵ قوباد تاڵەبانی-ـیان ئاڕاستەكرد و سوپاسی زۆری خەبات و تێكۆشانیان كرد . 

لایخۆیەوە، هەڤاڵ محەمەد قادر دڵخۆشی خۆی  دەربڕی بۆ بەسەركردنەوەیی و رونیكردەوە بە ئەرك و واجبمان زانیووە كە چەكی شەرەف و كوردایەتیمان لە شاننا ئەمەش وەك مافێك بۆ ئازادی و سەربەستی گەلەكەم لە دەست زوڵم و زۆری رژێمی بەعسی رووخاو .

PUKMEDIA