سودانی و حەلبوسی: پاڵپشتی کەسوکاری قوربانیانی هەڵەبجە دەبین

PUKMEDIA

مۆنۆمێنتی شەهیدانی هەڵەبجە

هەریەک لە سەرۆکوەزیرانی عیراق و سەرۆکی ئەنجومەنی نوێنەران لە ساڵیادی کیمیابارانی هەڵەبجەدا پەیامێک بڵاودەکەنەوەو تێیدا هاوسۆزی و هاوخەمی خۆیان بۆ ئەو کارەساتە دەردەبڕن و بەڵێنی پاڵپشتی قوربانیان دەدەن.

محەمەد شیاع سودانی، سەرۆکوەزیرانی عیراق، لە ساڵیادی کیمیابارانی هەڵەبجەدا لە تۆڕی کۆمەڵایەتی ئێکس کە وێنەیەکی دەست PUKMEDIA کەوتوە رایگەیاند: کە یادی ئەو قوربانییانە دەکەینەوە کە گیانیان سپارد، بەو تاوانانەی کە مێژوویەکی خوێناوییان بۆ عیراق تۆمار کرد و دواتریش پاشماوەکانی ئەو دیکتاتۆرییەتە لە ڕێگەی تاقمە تیرۆریستییەکانی داعشەوە درێژەیان بە هەمان سیاسەتی چەوساندنەوە دا، بەڵام قوربانیدانی عیراق بونەتە هەوێنی ئازادی و کەرامەت و چەسپاندنی دیموکراسی.

سودانی جەختیشی کردەوە: بەڵێن بۆ ڕۆڵەکانی گەل نوێ دەکەینەوە، بە بەردەوامبوون لە کاروانی ئاوەدانی، گەشەپێدان، پاراستنی ئازادییە گشتی و تایبەتییەکان و پاراستنی سەروەریی وڵات، بە هیچ شێوەیەک رێگە نادەین دیکتاتۆرییەت لە ژێر هەر ناونیشانێکدا بێت جارێکی تر بگەڕێتەوە، چونکە ئەرکی ئێمە وەفادارییە بۆ خوێنی شەهیدان و بنیادنانی داهاتوویەکی شایستە بەو قوربانییانەی کە پێشکەش کراون.

هاوکات هەیبەت حەلبوسی سەرۆكی پەرلەمانی عیراق لەساڵیادی كارەساتی هەڵەبجەدا، پەیامێكی بڵاوكردەوەو هاوسۆزی خۆی بۆ كەسوكاری قوربانیان دەربڕی و رایگەیاند: بەخەم و پەژارەیەكی قووڵەوە یادی یەكێك لەدڵتەزێنترین كارەساتەكان دەكەینەوە كە ئازارەكانی بۆ هەمیشە لەیادەوەری عیراقییەكاندا دەمێنێتەوە.

ئاماژەی بەوەشكرد: بەم بۆنە خەمناكەوە هاوسۆزی خۆمان بۆ كەسوكاری قوربانییەكان دەردەبڕین و پاڵپشتیمان بۆ دۆخی نالەباریان دووپاتدەكەینەوە.

PUKMEDIA