رزگار حاجی حەمە : کیمیابارانی هەڵەبجە یادێکی خەمناكە

PUKMEDIA

رزگار حاجی حەمە

رزگار حاجی حەمە ئەندامی مەکتەبی سیاسی لێپرسراوی مەکتەبی هەڵبژاردن لەیادی کارەساتباری هەڵەبجەدا، پەیامێکی بڵاوکردەوە.

دەقی پەیامەکە:

هەڵەبجە دۆزی رەوای کوردی بە جیهان ناساند و رووی راستەقینەی دوژمنانی ئاشکرا کرد

ئەمڕۆ 38 ساڵ تێدەپەڕێت بەسەر بۆردومان کردنی شاری هەڵەبجەی خۆشەویست بە چەکی کیمیاوی لە لایەن رژێمی دڕندەی بەعسەوە، کە بووە هۆی شەهیدبوونی پێنج هەزار هاووڵاتی و بە دەیان هەزار کەسی دیکەی بریندار و ئاوارە کرد.

لەم کارەساتەوە هەڵەبجە بوو بە ناونیشانی مەزڵومیەتی گەلی کوردستان و دۆزە رەواکەی زیاتر بە جیهان ناساند و رووی راستەقینەی درندەیی دوژمنانی کوردستانی ئاشکرا کرد.

بیرەوەری كارەساتی کیمیابارانی هەڵەبجە یادێکی خەمناك و زامێکی قووڵە کە بۆ هەمیشە لە هزر و یادگەی نیشتمان و نەتەوە بە کراوەیی دەمێنێتەوە و ساڕێژ نابێت.

ئەرکی هەموومانە خزمەتی هەڵەبجەی سومبولی قوربانی و ناسنامەی بزووتنەوەی رزگاری کوردستان بکەین و وەفادار بین بۆ شەهیدان و خەڵکە تێکۆشەرەکەی .

سڵاو لە گیانی پاکی شەهیدانی هەڵەبجە و سەرجەم شەهیدانی رێگەی رزگاری کوردستان، نەفرەت لە بکەرانی ئەم تاوانە دڕندانەیە، ئارامی و ئاوەدانی بۆ پارێزگای هەڵەبجەی خۆشەویست.

رزگار حاجی حەمە 
ئەندامی مەکتەبی سیاسی 
لێپرسراوی مەکتەبی هەڵبژاردن

PUKMEDIA