شەوی رابردوو 17 هێرشی درۆنی کراوەتە سەر هەولێر

GK

هێرش بۆ سەر هەولێر

شەوی رابردوو، 17 هێرشی درۆنی کراوەتە سەر هەولێر و پارێزگاری شارەکەش ئاشکرای دەکات سەرجەمیان تێکشکێندراون و هیچ زیانێکی گیانییان لێ نەکەوتووەتەوە.

ئومێد خۆشناو پارێزگاری هەولێر، ڕایگەیاند: شەوی ڕابردوو 17 هێرشی جیاواز بۆ سەر سنووری پارێزگای هەولێر ئەنجامدراون.

پارێزگار ئاماژەی بەوەش کرد: سەرجەم هێرشەکان لە ڕێگەی درۆنی بۆمبڕێژکراوەوە بوون و ئاراستەی ناوچە جیاوازەکان کراون بۆ تێکدانی ئاسایشی شارەکە.

لە بارەی زیانەکانی هێرشەکانیش، پارێزگاری هەولێر رایگەیاند: سەرجەم درۆنەکان لەلایەن سیستەمی بەرگریی ئاسمانیی هێزەکانی هاوپەیمانانەوە لە ئاسماندا تێکشکێنراون و خراونەتە خوارەوە.

دووپاتیشی کردەوە: بەهۆی بەرپەرچدانەوەی هێرشەکانەوە هیچ زیانێکی گیانی تۆمار نەکراوە، تەنیا لە چەند شوێنێک زیانی ماددی بەهۆی کەوتنەخوارەوەی پاشماوەی درۆنە تێکشکاوەکان دروست بووە.

PUKMEDIA