پانۆرامای راپەڕین

PUKMEDIA

مۆنیۆمێنتی دەروازەی راپەڕین

ئەمڕۆ 35 ساڵ بەسەر راپەرینی بەهاری ساڵی 1991 تێپەڕدەبێت و رۆژی 5ی ئاداری ساڵی1991 بۆ یەكەمجار راپەرینی خەڵكی كوردستان لە رانیە دەستیپێكرد، هەمان رۆژ رانیە، چوارقووڕنە، دەشتی بێتوێن، حاجیاوە و سەركەپكان ئازادكران.

بۆ رۆژی دواتر، واتە 6ی ئاداری1991 هەردوو ناوچەی بازیان و دەشتی پشدەر ئازاد كران.

رۆژی 7ی ئاداری1991 خەڵكی سلێمانی راپەرین و بۆ بەیانییەكەی ئەمنە سوورەكە و معەسكەر سەلامیان، كۆنتڕۆڵكرد.

رۆژی 8ی ئاداری1991 راپەڕین لە چەمچەماڵ، هەڵەبجە، عەربەت، زەڕایەن، پیرەمەگرون دەستیپێكردو رێگا سەرەكییەكانی نێوان سلێمانی_ كەركووك كۆنتڕۆڵكران.

رۆژی 9ی ئاداری1991 خەڵكی كۆیە، شەقڵاوە، ئۆردگای باسرمە راپەڕین.

رۆژی10ی ئاداری1991 خەڵكی شارۆچكەكانی سۆران، رواندز، حاجی ئۆمەران، مێرگەسوور، چۆمان، سپیلك، خەلیفان، هەریر، باتاس، مەسیف، تەق تەق، ئاغجەلەر، قەرەهەنجیر، راپەڕین.

رۆژی 11ی ئاداری1991 خەڵكی شاری هەولێر راپەرین و هەمان رۆژ كۆمەڵگەكانی كەسنەزان، بنەسڵاوە، دارەتوو، قوشتەپە، شاوێس، پیرزین، مەلائۆمەر، جدیدە، تۆبزاوە، كەورگۆسك، بەحركە، بەرحوشتر ئازاد كران.

12ی ئاداری1991 خەڵكی جەلەولا و خانەقین راپەڕین و هەمان رۆژ مەخموور و ئاكرێ، بجیل، سورچیایەتی، بەردەڕەش، دینارتێ، زێبار، شێخان ئازادكران.

13ی ئاداری1991 خەڵكی زاخۆ، دەشتی سلێڤان، راپەڕین، لەسنووری كەركووكیش شارۆچكەی پردێ ئازادكرا، لە گەرمیانیش كەلار و جەبارە ئازادكران.

14ی ئاداری1991 خەڵكی شاری دهۆك راپەڕین و هەمان رۆژ ناوچەكانی زاوێتە، سەرسەنگ، دێرەلوك، شێلادزێ، ئامێدی، بامەڕنێ، ئازادكران.

15ی ئاداری1991 خەڵكی شارۆچكەی سێمێل راپەڕین.

16ی ئاداری1991 سەربەشاخ و قەرەچووخ و مەخمور ئازادكران.

18ی ئاداری1991 شارۆچكەی پردێ و دەوروبەری ئازادكرا.

19ی ئاداری1991 دەوروبەری شاری كەركووك ئازادكرا.

20ی ئاداری1991 جەماوەری شاری كەركووك راپەڕین شارەكە ئازادبوو.

21ی ئاداری1991 ئاگری نەورۆز لە كەركووك كرایەوە شەڕ لە معەسكەر خالید بەردەوام بوو.

رۆژی 27ی ئاداری1991، سوپای عیراق كەركووكی گرتەوە و بۆ رۆژی31ی ئاداری1991 سوپای عیراق هەولێریشی گرتەوە و كۆڕەو دەستیپێكرد.

PUKMEDIA