پارێزگاری كه‌ركوك: خانووه‌كانی گه‌ڕه‌كی نه‌ورۆز له‌سه‌ر نیشته‌جێكانیان تاپۆ ده‌كه‌ین

PUKMEDIA

رێبوار تەها پارێزگارى کەرکوک لە گەڕەکى نەورۆز

بە هەوڵی پارێزگاری كەركوك، كێشەی دانیشتووانی گەڕەكی نەورۆز چارەسەردەكرێت و دانیشتووانی گەڕەكەكەش دوای زیاتر لە دوو ساڵ لە پێداگریكردن لە مافەكانیان، خێوەتی مانگرتنیان هەڵگرت.

رێبوار تەها پارێزگاری كەركوك، راگەیاند: هەوڵدان بۆ چارەسەكردنی كێشە و گرفتی هاووڵاتییان بەبێ جیاوازیی، كارێكی لەپێشینەی ئیدارەی كەركوكە، وتیشی: دوای دروستبوونی گرژی و ئاڵۆزیی لە نێوان دانیشتووانی گەڕەكی نەورۆز و سوپای عیراق، بەشێوەیەكی مەیدانیی سەردانی گەڕەكەكەمان كرد و دوای پەیوەندیكردنمان بە سوپاسالاری عیراق، توانیمان رێگری لە دەركردنی خێزانەكانی نێو ئەو گەڕەكە بكەین و دواتر فەرمان بە كشانەوەی هێزەكانی سوپا كرا، چونكە سوپا بیانووی ئەوەی دەهێنایەوە كە خاوەندارێتیی ئەو خانووانە دەگەڕێتەوە بۆ وەزارەتی بەرگریی عیراق، وتیشی: بەپێی بڕیاری 320ی ئەنجومەنی وەزیرانی عیراق كە لە ساڵی 2022 دەرچووە، تەواوی خانووەكانی گەڕەكی نەورۆز لەسەر ئەو كەسانە تاپۆ دەكەین كە تێیدا نیشتەجێن.


PUKMEDIA  /  کوردستانى نوێ