وەفدێکی ئیتاڵیا سەردانی مەزاری سەرۆک مام جەلال دەکات

راگەیاندنی مەکتەبی سکرتارییەتی سەرۆک مام جەلال

وەفدێکی ئیتاڵیا سەردانی مەزاری سەرۆک مام جەلال دەکەن

تۆماسۆ سانسۆنی کونسوڵی گشتی ئیتاڵیا لە هەريمی کوردستان و خاتوو رۆساماریا سەرۆکی نوسینگەی هاوکاری ئابوری و بازرگانی گەشەپێدانی ئیتاڵیا لە بەغداد و وەفدی یاوەریان سەردانی مەزاری سەرۆک مام جەلال-یانکرد و لە لایەن مەکتەبی سکرتارییەتی سەرۆک مام جەلال ـوە بە گەرمی پێشوازیکران .

دوای دانانی چەپکە گوڵی رێزو وەفا تۆماسۆ سانسۆنی لە دەفتەری یادەوەرییەکاندا بە شکۆوە باسی لە پەیوەندی پتەو و مێژووی سەرۆک مام جەلال و دەوڵەتی ئیتاڵیا کرد وەک سەرکردەیەکی گەورەی گەلی کورد و یەکەم سەرۆککۆماری نوێی عیراق .

لایخۆشیانەوە مەکتەبی سکرتارییەتی سەرۆک مام جەلال سوپاسی وەفدی میوانیان کرد و جەختیان کردەوە یەکێتیی نیشتمانیی کوردستان پاڵپشت بە سیاسەتی روون و سەرکەوتووانەی سەرۆک مام جەلال لەگەڵ دەوڵەتی ئیتاڵیا بەردەوام دەبێت .

PUKMEDIA