حزبی وەحدەی دیموكراتی كورد: سەرۆك مام جەلال ئەندازیاری یەكدەنگی كورد بوو

تایبەت

وێنەیەکى کۆبوونەوەکە

حزبی وەحدەی دیموكراتی كورد لە سوریا رایگەیاند، سەرۆك مام جەلال ئەندازیاری ستراتیژی یەك دەنگی گەلی كورد بوو.

د.ئازاد عەلی جێگری سكرتێری گشتی حزبی وەحدەی دیموكراتی كورد لە سوریا، رایگەیاند، لە دوای راپەڕینی بەهاری ساڵی 1991ی كورد لە باشووری كوردستان، سەرۆك مام جەلال ستراتیژی یەك دەنگی گەلی كوردی لە هەر چوار بەشی كوردستان داڕشت، وتیشی، ئەو ستراتیژە لەسەر بنەمای بێدەنگ كردنی چەك و بڵندكردنی دەنگی گفتوگۆ و دانوستان بوو، ئەم ستراتیژەش بووە بەردی بنەغەی پرۆسەی ئاشتی لە توركیا و چەسپاندنی مافی گەلی كورد لە باشووری كوردستان لە ناو دەستووری هەمیشەی عیراقی فیدڕاڵ.

ئەم وتانەی د.ئازاد عەلی، جێگری سكرتێری گشتی حزبی وەحدەی دیموكراتی كورد لە سوریا، لە میانەی كۆبوونەوەیەكی بوو لەگەڵ (سالار سەرحەد خەلیفە یونس)، لێپرسراوی پەیوەندییە كوردستانییەكان، لایخۆشیەوە سالار سەرحەد رایگەیاند: (سەرۆك بافڵ جەلال تاڵەبانی)، سەرۆكی یەكێتیی نیشتمانیی كوردستان درێژە پێدەری رێگەی خەباتی مامە بۆ یەكخستنی دەنگی گەلی كورد، گوتیش، (ی.ن.ك)، لە پشتیوانییەكانی بۆ رۆژئاوا درێغی نەكردووە و لەو پێناوەشدا خوێن و قوربانی گەورەی بۆداوە.

PUKMEDIA