سەرۆك بافڵ لەبەغدادەوە هەوڵەكانی بۆ هەڵبژاردنی سەرۆككۆمارو پێكهێنانی حكومەت چڕدەكاتەوە

کوردستان 02:31 PM - 2026-02-22

بافڵ جەلال تاڵەبانی، سەرۆكی یەكێتیی نیشتمانیی كوردستان، لەسەردانێكیدا بۆ بەغداد، لەگەڵ لایەن و سەركردە عیراقییەكان زنجیرەیەك كۆبوونەوەی گرنگی ئەنجامداو  گفتوگۆی گۆڕانكاری و پێشهاتە سیاسییەكانیان كرد، هاوكات جەختیان لەنەهێشتنی بەربەستەكانی بەردەم پڕۆسەی سیاسی و هەوڵەكان بۆ هەڵبژاردنی سەرۆككۆمارو پێكهێنانی حكومەتێكی خزمەتگوزار كردەوە.

سەرۆك بافڵ و سەرۆكی بەرەی توركمانی: پێكهێنانی حكومەتێكی كارا زامنی سەقامگیرییە

بافڵ جەلال تاڵەبانی، سەرۆكی یەكێتیی نیشتمانیی كوردستان و محەمەد سەمعان ئاغا، سەرۆكی بەرەی توركمانی عیراقی لەبەغداد كۆبوونەوەو هەردوولا هاوڕابوون كە هەڵبژاردنی سەرۆككۆمار و پێكهێنانی حكومەتێكی كارا زامنی سەقامگیریی عیراق دەكات.

سەرۆك بافڵ و نوری مالیكی: بەربەستەكانی بەردەم پڕۆسەی سیاسی نەهێڵدرێن

بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ نوری مالیكی، سەرۆكی ھاوپەیمانیی دەوڵەتی یاسا لە بەغداد كۆبووەوەو گۆڕانكاری و پێشهاتە سیاسیەكان گفتوگۆیان لەبارەوە كرا، هاوكات دووپات لە پابەندبوون بە بنەماكانی دەستوور و یەكخستنی هەوڵەكان كرایەوە بۆ نەهێشتنی بەربەستەكانی بەردەم پڕۆسەی سیاسی و خێراتركردنی هەنگاوەكانی هەڵبژرادنی سەرۆككۆمار و پێكهێنانی حكومەتێكی بەهێزو خزمەتگوزار.

سەرۆك بافڵ و خەزعەلی: هەوڵەكان بۆ هەڵبژاردنی سەرۆككۆمارو پێكهێنانی حكومەت چڕبكرێنەوە

بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ قەیس خەزعەلی، ئەمینداری گشتیی بزووتنەوەی عەسائیب ئەھلی حەق لە بەغداد كۆبووەوەو گفتوگۆ لەبارەی دوایین پێشهاتەكان بۆ پێكهێنانی حكومەتی نوێی عیراق كراو هەردوولا جەختیان لە گرنگیی چڕكردنەوەی هەوڵەكان بۆ هەڵبژاردنی سەرۆككۆمار و پێكهێنانی حكومەت كردەوە.

سەرۆك بافڵ و حەلبوسی: حكومەتی نوێ خزمەتكاری هاووڵاتیان بێت

هەر لەسەردانەكەیدا بۆ بەغداد، بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ محەمەد حەلبووسی، سەرۆكی حیزبی تەقەدوم كۆبووەوەو جەختیان لەهەڵبژاردنی سەرۆككۆمار و پێكهێنانی حكومەتی نوێ كردەوە كە بتوانێت سەقامگیریی عیراق بپارێزێت و خزمەتی تەواوی هاوڵاتییان بكات.

سەرۆك بافڵ و هادی عامری: بەربەستەكانی بەردەم هەڵبژاردنی سەرۆككۆمار تێبپەڕێندرێن

هاوكات لە بەغداد، بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ هادی عامری، سەرۆكی هاوپەیمانیی فەتح كۆبووەوەو بەڕێوەچوونی دانیشتنی ئەنجوومەنی نوێنەران بۆ هەڵبژاردنی سەرۆككۆمار و چڕكردنەوەی هەوڵەكان بۆ تێپەڕاندنی كێشە و بەربەستەكان بە گرنگ زانرا.

سەرۆك بافڵ و سودانی جەخت لەهەوڵەكان بۆ پێكهێنانی حكومەتێكی خزمەتگوزار دەكەنەوە

هەر لەبەغداد بافڵ جەلال تاڵەبانی، سەرۆكی یەكێتیی نیشتمانیی كوردستان و محەمەد شیاع سودانی، سەرۆكوەزیرانی عیراق كۆبوونەوەو  دووپاتیان لەپێویستی هاوكاری و بەردەوامی دیالۆكی نیشتمانیی و یەكخستنی دیدگاكان كردەوە بۆ تەواوكردنی شایستە دەستوورییەكان لە چوارچێوەی پاراستنی بەرژەوەندییە باڵاو نیشتمانییەكاندا .

سەرۆك بافڵ: یەكێتی بۆ خزمەتكردنی خەڵك كاردەكات

هاوكات بافڵ جەلال تاڵەبانی سەرۆكی یەكێتیی نیشتمانیی كوردستان لە بەغداد پێشوازی لە سەید عەممار حەكیم سەرۆكی رەوتی حیكمە كرد و گرنگی پێویستی بەردەوامی دیالۆگی نیشتمانیی لەنێوان لایەنەكان دووپاتكردەوە و رایگەیاند، یەكێتی بۆ بەهێزتركردنی گیانی پێكەوەیی و زیاتر خزمەتكردنی خەڵكە خۆشەویستەكەمان كاردەكاتـ هاوكات جەختی لەئامادەیی یەكێتی بۆ دانیشتنی ئەنجوومەنی نوێنەران بۆ هەڵبژاردنی سەرۆككۆمار و تەواوكردنی رێكارە دەستوورییەكان كردەوە.

PUKMEDIA