کۆمپانیای نەوتی باکور: ئاگرەکەی وێستگەی باجوان کۆنترۆڵکرا

kirkuknow

کێڵگەى نەوت

کۆمپانیای نەوتی باکور ئاشکرای کرد، دوای دروستبوونی گرفتێکی تەکنیکی لە سیستمی پێوەرەکان، ئاگر لە وێستگەی پەستانی غازی باجوان لە کەرکوک کەوتەوە و دواتر لەلایەن تیمەکانەوە کۆنتڕۆڵ کرا.

کۆمپانیای نەوتی باکور لە راگەیەنراوێکدا رایگەیاند، سەعات 3:20ی بەیانی بەهۆی گرفتێکی تەکنیکی لە سیستمی پێوەرەکان، لێچوونی غاز لە وێستگەی باجوان رویداوە و بووەتە هۆی ئاگرکەوتنەوە لە پەنای وێستگەکەدا.

روونیشى کردوەتەوە، تیمەکانیان بەپێی پلانی فریاگوزاری توانیویانە لە ماوەیەکی کەمدا ئاگرەکە کۆنتڕۆڵ بکەن و رەوشەکە ئاسایی بکەنەوە و هیچ زیانێکی گیانی نەبووە و ئێستا کار بۆ چاککردنەوەی بۆرییەکان دەکرێت.

PUKMEDIA