سەرۆکی فراکسیۆنی یەکێتی: پلانی مۆدێرن بۆ دامەزراوە سەربازییەکان بگیرێتەبەر

ئاژانسەکان

کۆبونەوەی سەرۆکی فراکسیۆنی یەکێتی و ژمارەیەکی ئەندامی فراکسیۆن لەگەڵ وەفدێکی سەربازی

هەرێم کەمال ئاغا سەرۆکی فڕاکسیۆنی یەکێتیی نیشتمانیی کوردستان لە پەرلەمانی عیراق بەئامادەبوونی ژمارەیەک لە ئەندامانی فڕاکسیۆن پێشوازیی لە فەریق رۆکن عبدولئەمیر یارئەڵا و وەفدی هاوڕێی کرد. 

لە دیدارەکەدا کەلە نوسینگەی فڕاکسیۆن لە پەرلەمانی عیراق بەڕێوەچوو باس لە ئامادەباشیەکانی هێزە چەکدارەکان و پتەوکردنی سنورەکانی عیراق بە تایبەتی لەگەڵ سوریا کراو بەمەبەستی پاڕاستنی سەروەری وڵات و ئاسایشی هاوڵاتیان و رێگریکردن لە دزەکردنی تیرۆریستان. 

سەرۆکی فراکسیۆنی یەکێتی  جەختی لە گرنگی پشتیوانیکردنی دامەزراوەی سەربازی کردەوە لە رێگای پڕچەککردنیان بە نوێترین جۆرەکانی چەک و گرتنەبەری پلانە مۆدێرنەکان وڕاهێنانی ئەفسەر وسەربازان لەم کاتەی کە وڵات دووچاری کۆمەڵێک ئالنگاریی ئەمنی خێرا دەبێتەوە.

PUKMEDIA