بکوژی ژنە کوژراوەکەی سلێمانی دەستگیرکرا

PUKMEDIA

لۆگۆی ئاسایش

دەزگای ئاسایشی هەرێم دەستگیرکردنی بکوژی ژنە کوژراوەکەی شەوی رابردووی سلێمانی راگەیاند، کە بکوژەکە و دوو کەس کە هاوکاری بوون بۆ ئەوەی هەڵبێت، دەستگیرکراون.

دەزگای ئاسایشی هەرێم لە راگەیەندراوێکدا رایگەیاند: پاشنیوەڕۆی دوێنێ ٢٠٢٦/٢/١٢ لەیەکێک لە پڕۆژە نیشتەجێبوونەکانی شاری سلێمانی، ژنێک بەچوار فیشەک دەکوژرێت، لەسەر ئەم رووداوە دەستبەجێ بەڕێوەبەرایەتی ئاسایشی پارێزگای سلێمانی بەدواداچوونی دەستپێکرد بۆ دەستگیرکردنی تۆمەتباری بکوژ.

ئاماژەی بەوەشداوە: لەئەنجامی لێکۆڵینەوەکان دەرکەوت تۆمەتبار بەهۆی کێشەی کۆمەڵایەتیەوە تاوانەکەی ئەنجامداوە و هەوڵیداوە لەڕێگەی برایەک و زاوایەکی هەڵبێت بۆ دەرەوەی هەرێم، دوای چاودێری وورد و دەستنیشانکردنی شوێنی تۆمەتبار بەیانی ئەمڕۆ تۆمەتباری بکوژ و دوو هاوکارەکەی دەستگیرکران.

ئەوەش هاتووە: لەئێستادا تۆمەتباری بکوژ بەماددەی ٤٠٦ لەیاسای سزادانی عێراقی راگیراوە و هەروەها هەردوو تۆمەتباری هاوکاری پەڕاوی لێکۆڵینەوەیان بۆ کراوەتەوە و لێکۆڵینەوە لەدۆسییەکانیان بەردەوامە.

PUKMEDIA