بۆردی داكۆكی: لەگەڵ داخستنی هیچ كەناڵێكی میدیاییدانین

PUKMEDIA

سەندیكای رۆژنامەنووسان

بۆردی داكۆكی لەئازادی و مافی ڕۆژنامەنووسان، ناڕازی خۆی بۆ داخستنی كەناڵی میدیایی بەبێ ئاگاداری سەندیكا دەردەبڕێت و دوا دەكات تەواوی ئازادی كاری میدیایی لەهەرێمی كوردستان پارێزراو بێت.

دەقی پەیامەكە:

‎ بۆردی داكۆكی لەگەڵ داخستنی هیچ كەناڵێكی میدیایی نییە

بەپێی زانیارییەكانی بۆردی داكۆكی لە ئازادی و مافی ڕۆژنامەنووسان، ئەمڕۆ لە سەر بڕیاری دادگا، نووسینگەكانی كەناڵی ئێن. ئاڕ تی لە هەولێرو  دهۆك داخران،  بۆردی داكۆكی وێڕای پاڵپشتی بۆ جێبەجێكردنی یاسای ڕۆژنامەگەری ژمارە ٣٥ ی ساڵی ٢٠٠٧ دوا دەكات تەواوی ئازادی كاری میدیایی لەهەرێمی كوردستان پارێزراو بێ، ناڕازی خۆی بۆ داخستنی كەناڵی میدیایی بەبێ ئاگاداری سەندیكای رۆژنامەنووسانی كوردستان دەردەبڕێتو داوا دەكات  تەنها پاڵپشت بەبڕیاری كۆتایی دادگاكان  و لەچوارچێوەی یاسای ڕۆژنامەگەری بڕیار لەسەر دۆسییەكان بدرێت.. 

بۆردی داكۆكی لەئازادی و مافی ڕۆژنامەنووسان بەوردی چاودێری دۆخەكە دەكات بۆ دەستەبەركردنی ژینگەیەكی دیموكراسی بۆ كاری رۆژنامەنووسی و میدیایی لە هەرێمی كوردستان

بۆردی داكۆكی لەئازادی و مافی ڕۆژنامەنووسان
سەندیكای رۆژنامەنووسانی كوردستان
٤ی شوباتی ٢٠٢٦

PUKMEDIA