لە هەولێر و دهۆک نوسینگەکانى كه‌ناڵىNRT داخران

shafaq

لۆگۆى کەناڵى NRT

ئه‌مڕ‌ۆ چوار شه‌ممه‌ 4ی2ی2026 هێزێكی ئه‌منی هه‌ولێر هه‌ڵیانكوتایه‌ سه‌ر نوسینگه‌ی كه‌ناڵی (ئێن ئاڕ‌ تی) و په‌خشی كه‌ناڵه‌كه‌یان راگرت، هاوکات هەر ئەمڕۆ هێزێکى دیکە هەڵیکوتاوەتە سەر نوسینگەى دهۆکى کەناڵى ناوبراو و نوسینگەکەى داخستووە.
 
به‌پێی زانیارییه‌كانی كه‌ناڵی NRT، هێزێكی ئه‌منی هه‌ولێر چووه‌ته‌سه‌ر نووسینگه‌كه‌یان له‌هه‌ولێر و به‌بێ هیچ پاساوێكی یاسایی، نوسینگه‌كه‌یان داخستووه‌ و تیمی په‌یامنێرانی "ئێن ئاڕ‌ تی"یشیان له‌ سنووری ده‌سه‌ڵاتی پارتی ئاگاداركردوەته‌وه‌ كه‌ رێگه‌ به‌ كاركردنیان نادرێت.

هاوکات بڕیار نێروەیی بەرپرسی ئۆفیسی دهۆکی کەناڵەکە، رایگەیاند: بە بێ هیچ هۆکارێک ئۆفیسەکەیان داخستوین.

له‌به‌رامبه‌ریشدا وه‌زاره‌تی رۆشنبیری هه‌رێم بێ ئاگایی خۆی له‌و كاره‌ی هێزه‌ ئه‌منییه‌كانی هه‌ولێر راگه‌یاند و شێروان عەوڵا بەرێوەبەری گشتی راگەیاندن و چاپ و بڵاوكردنەوە لە وەزارەتی رۆشنبیری  رایگەیاند: هیچ نووسراو و بڕیار و داواكارییەكانیان بەدەست نەگەیشتووە بۆ داخستنی كەناڵ یان نووسینگەی كەناڵی ئێن ئاڕ تی و ئاشکراشی کرد: وەک وەزارەتی رۆشنبیری ئاگاداری ئەو بڕیارە نین.

هاوکات كه‌ناڵی  NRT رایگه‌یاندوه‌: دوای ئه‌وه‌ی هه‌ڵیانكوتاوه‌ته‌ سه‌ر نوسینگه‌كه‌یان له‌ هه‌ولێر كارمه‌ندانیان كردوه‌ته‌ ده‌ره‌وه‌ و ده‌ستیان گرتووه‌ به‌سه‌ر ته‌واوی ئامێر و كه‌لوپه‌ رۆژنامه‌وانییه‌كان و رێگه‌ناده‌ن كاری رۆژنامه‌وانی خۆیان بكه‌ن.

PUKMEDIA