فەرمانبەرانی گرێبەست لەوەرگرتنی زەوی سوودمەند دەبن

PUKMEDIA

دابەشکردنی زەوی

بەبڕیاری ئەنجومەنی وەزیرانی حکومەتی هەرێمی کوردستان، رێنوێنی نوێ بۆ دابەشکردنی زەوی دەرچوو، کە دەیان هەزار فەرمانبەری گرێبەست لێی‌ سوودمەند دەبن.

لە کۆبوونەوەی ئەنجوومەنی وەزیرانی حکومەتی هەرێمی کوردستان-دا، بڕیاردرا بەدابەشکردنی زەوی بەسەر هەموو ئەو فەرمانبەرانەی کە گرێبەستن و سوودمەندنەبوون لە وەرگرتنی زەوی، هاوکات وەزارەتی  شارەوانی رێنوێنی دابەشکردنی زەوی هەمووار کردەوە، بەجۆرێک پێدانی زەوی فەرمانبەرانی گرێبەستیش دەگرێتەوە و رێنوێنییەکە لە رۆژنامەی (وەقایعی کوردستان) بڵاوکرایەوە، کەتێیدا ئاماژە بەوە دراوە فەرمانبەرانی گرێبەستیش هاوشێوەی فەرمانبەرانی شارستانی و سەربازی ئەگەر هەشت ساڵ خزمەتی هەبێت 200مەتر زەوی پێ دەدرێت و لە 4ی 2ی 2026وە جێبەجێدەکرێت.

ئەمەش لەکاتێکدایە، لە هەرێمی کوردستان نزیکەی 30 هەزار و 364  فەرمانبەری گرێبەست هەن و نزیکەی دەیان هەزاریان خزمەتیان لە هەشت ساڵ زیاترە.

هاوکات، لە 27ی 3ی 2024، لە کۆبوونەوەی ئەنجوومەنی وەزیرانی حکومەتی هەرێمی کوردستان، بڕیاردرا بە دابەشکردنی زەوی بەسەر هەموو ئەو فەرمانبەرانەی سوودمەند نەبوون لە وەرگرتنی زەوی.

PUKMEDIA