قوباد تاڵەبانی: مەترسی خۆڕێکخستنەوەی تیرۆرستان جدییە

راگەیاندنی قوباد تاڵەبانی

قوباد تاڵەبانی و کونسوڵی گشتیی ئیتاڵیا

قوباد تاڵەبانی پێشوازی کرد لە تۆماسۆ سانسۆنی، کونسوڵی گشتیی ئیتاڵیا و لەکۆبونەوەیەکدا باسیان لە مەترسیی سەرهەڵدانەوەی داعش کردووە لە ناوچەکەدا.

قوباد تاڵەبانی رایگەیاندووە: ئێمە لە هەرێمی کوردستان و عیراق و هەروەها کۆمەڵگای نێودەوڵەتیش دەبێت ئەو زانیارییانە زۆر بە جدی وەربگرین کە رێکخراوی تیرۆریستیی داعش خەریکی خۆڕێکخستنەوەن بۆ ئەوەی جارێکیتر سەقامگیریی ناوچەکەمان بخەنە مەترسییەوە.

 وتیشی: کە پێویستە لە هەرێمی کوردستان ئامادەکاری پێشوەختەمان هەبێ بۆ بەرەنگاربوونەوەی هەڕەشەی ئەم گروپە تیرۆریستییە و بۆ ئەمەش لەڕووی سیاسییەوە پێویستیمان بە یەکڕیزی و کۆدەنگی هەیە تا بتوانین لەڕووی ئەمنی و سەربازیشەوە بەسەر دۆخەکەدا زاڵ بین و سەقامگیریی وڵاتەکەمان بپارێزین.

PUKMEDIA