لێزمە باران و بەفر ناوچەکانی هەرێمی کوردستان دەگرێتەوە

میدیاکان

بارانی بەلێزمە

شەپۆلێکی بەفر و باران ناوچە جیاوازەکانی هەرێمی کوردستان دەگرێتەوە و کەشناسێکیش رایدەگەیەنێت بڕی بارانبارینەکە لە نێوان 20 بۆ 60 ملیمدایە و لە ناوچە شاخاوییەکان بەفر دەبارێت.

سالار حاجی عەلی شارەزای کەشناسی لە لێدوانێکیدا بە PUKMEDIA ی راگەیاند: لە ڕۆژی3ی2ی2026وە هەرێمی کوردستان، دەکەوێتە ژێرکاریگەری نزمەپاڵەپەستۆی دەریای سپی ناوەڕاست و هاتنی بڕێک شێیەکی زۆر لە دەریای سورەوەو کەنداوی عەرەبی یەکدەگرن و شەپۆلی باران بارین چالاک دەبێت.


دەشڵێت: پلەکانی گەرما نزم دەبێتەوە لە ناوچە سنوریەکان بەفر دەبارێت و  لە ناوچە شاخاویەکان بەفرو بارانی دەبارێت.
پەیوەست بەبڕی پێشبینیکراو، سالار حاجی عەلی ئاماژەی بەوەکرد:بەبڕی جیاواز باران دەبارێت و ڕێژەی باران لە نێو شارەکان 20بۆ 45ملمە، لە ناوچە شاخاویەکان 30بۆ 60ملیمە، لە ناوچەکانی گەرمیانیش 15بۆ35 ملمە.

وتیشی: شێوازی ئەم بارینە لە شوێنە دەشتەکان بارانی بەهارە هەورە بروسکەو تاوەباران لەناوچە شاخاویەکان بەفرو بارانی زیاتر دەبارێت، لە ناوچە سنوریەکان بەفر دەبارێت، ماوەی کاریگەری ئەم شەپۆلە تا کۆتایی هەفتە بەردەوام دەبێت، دواتر کەش و هەوا ئارام دەبێتەوە پلەکانی گەرما ڕوو لە بەرزبونەوە دەکات.

PUKMEDIA