نرخی عومرە دوو هێندە بەرزدەبێتەوە

الآسبوع

مەككەی پیرۆز

بەهۆی هاتنی مانگی رەمەزانی پیرۆزەوە خواست لەسەر گەشتی عومرە زیادی كردووەو وتەبێژی بەڕێوەبەرایەتیی گشتیی حەج و عومرەش رایدەگەیەنێت: نرخەكەی بۆ دوو هێندە بەرزبووەتەوە.

كاروان ستونی وتەبێژی بەڕێوەبەرایەتیی گشتیی حەج و عومرە، بەوێبسایتی رەسمی یەكێتیی نیشتمانیی كوردستان  PUKMEDIA ی راگەیاند: بەهۆی هاتنی مانگی رەمەزانی پیرۆزەوە خواستی مسوڵمانان لەسەر عومرە زیادیكردووەو ئەمەش نرخی عومرەی بۆ دوو هێندە بەرز كردووەتەوە.

راشیگەیاند: بەرزبوونەوەی نرخی عومرە بەجۆرێكە، لەئێستادا نرخی گەشتی عومرە بەوشكانی دەگاتە نزیكەی هەزار دۆلار و بە ئاسمانیش هەزار و 300 دۆلار.

ئەمەش لەكاتێكدایە، پێشتر گەشتی عومرە بە رێگەی وشكانی بۆ ماوەی 10 رۆژ نزیكەی 500 دۆلارەو گەشتی ئاسمانیش  900 بۆ هەزار دۆلارە.

لەگەڵ هاتنی مانگی رەمەزانی پیرۆز، لەسەرتاسەری جیهاندا خواست لەسەر گەشتی عومرە لەڕێگای وشكانی و ئاسمانییەوە زیاد دەكات و مسوڵمانان بۆ بەجێهێنانی ئەو سونەتە روو لەمەككەی پیرۆز دەكەن.

PUKMEDIA