نێروەیی: حەق نییە د.فوئاد حسێن رەخنە لە یەکێتی بگرێت

PUKMEDIA

لەتیف نێروەیی لێپرسراوی بۆردی راگەیاندنی یەکێتی

لێپرسراوی بۆردی راگەیاندنی یەکێتیی نیشتمانیی کوردستان رایدەگەیەنێت: کاتێک جەنابی دکتۆر فوئاد لە لایەن حزبێکی کوردستانی، یەکێتی رەخنەباران بکات دەبێت ئەو مافە بە یەکێتییەکان بدات کە پێی بڵێین کاک دکتۆر فوئاد خۆزگە لەپاڵ رەخنەگرتن لە یەکێتی باسی لە سەرکەوتنی ئەزموونی خۆتت نەکردایە، چونکە هەشت ساڵە جێگری سەرۆک وەزیرانی عیراقی فیدراڵیت نەک هەر کێشەی مووچەی فەرمانبەرانی هەرێمی کوردستانت پێ چارەسەر نەکراوە بەڵکو ساڵ لەدوای ساڵ پرسەکە ئاڵۆزتر و خراپتر بووە.

لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان رایگەیاند: دکتۆر فوئاد حسێن کاندیدی پارتی بۆ پۆستی سەرۆککۆمار سەردانەکانی بۆ لای لایەنەکان ئاساییە، بەڵام ئەوەی کە ئاسایی نییە ئەوەیە لە سەردانەکەیدا بۆ لای لایەنێکی کوردستان رەخنەی لە یەکێتی گرتووە! بەبێ ئەوەی بیر لەوە بکاتەوە کە بێدەنگی بەرپرس و کادیر و پەرلەمانتاران و میدیای یەکێتی لەسەر قسەکانی جەنابیان و هەندێ سەرکردە و پەرلەمانتار و کادیرانی حزبەکەیان تەنها  هەستکردنە بە بەرپرسیارێتی و نامانەوێت لە بەغداد شەڕە دەنوک بکەین.

راشیگەیاند: کاتێک جەنابی دکتۆر فوئاد لە لایەن حزبێکی کوردستانی، یەکێتی رەخنەباران بکات دەبێت ئەو مافە بە یەکێتییەکان بدات کە پێی بڵێین کاک دکتۆر فوئاد خۆزگە لەپاڵ رەخنەگرتن لە یەکێتی باسی لە سەرکەوتنی ئەزموونی خۆتت نەکردایە، چونکە هەشت ساڵە جێگری سەرۆک وەزیرانی عیراقی فیدراڵیت نەک هەر کێشەی مووچەی فەرمانبەرانی هەرێمی کوردستانت پێ چارەسەر نەکراوە بەڵکو ساڵ لەدوای ساڵ پرسەکە ئاڵۆزتر و خراپتر بووە.

لێپرسراوی بۆردی راگەیاندنی یەکێتیی نیشتمانیی کوردستان ئاماژەی بەوەشکرد، ئیدی نازانین دەتەوێت کامە ئەزموون و کامە پرۆژە ببەیتە سەرۆکایەتی کۆمار و کامە خزمەت لە بەغداد پێشکەش بەگەلی کوردستان بکەیت؟

PUKMEDIA