تەندروستی سلێمانی: رێکاری یاسایی بۆ دەرمانی قاچاغ دەگرینەبەر

PUKMEDIA

د. سەباح هەورامی بەڕێوەبەری گشتی تەندروستی سلێمانی

بەڕێوەبەری تەندروستی سلێمانی رایدەگەیەنێت: لەهەرکوێی سلێمانی دەرمانی تەزویر هەبێت، بەزوترین کات بەدواداچونی بۆ دەکەین و رێکاری یاسایی دەگرینەبەر.

د. سەباح هەورامی بەڕێوەبەری گشتی تەندروستی سلێمانی بۆ کەناڵەکانی میدیا لەبارەی هێنانە ناوەوەی دەرمانی قاچاغ و قەدەغە بۆ سلێمانی رایگەیاند: بە داخەوە بەبەردەوامی دەرمانی قاچاغ داغڵی سلێمانی و عیراقیش دەبێت، کە ئەو دەرمانانە دوو جۆرن، جۆرێکیان راستەقینە و هی کۆمپانیا باوەڕپێکراوەکانن، بەڵام مۆڵەتی بۆ وەرنەگیراوە ، کەلەبەر رێکاری گومرگی بەقاچاغی داغڵ دەکرێن.

ئاماژەی بەوەشکرد: بەداخەوە ئەوەی کێشەیە و دەبێت رێگری لێ بکرێت، ئەو دەرمانانەن کە تەزویرن و بەهەموو جۆرێک رێگا پێنەدراون، ئێمە بەهەموو شێوەیەک بەدواداچون بۆ ئەو پرسە دەکەین و لەهەرکوێ لەو جۆرە دەرمانە تەزویرانە هەبێت، رێکاری یاسایی دەگرینە بەر و لەناوی دەبەین.

PUKMEDIA