سیستمی فۆڕمی خۆراك و پاره‌دانی ئه‌لكترۆنی راده‌گیرێت

PUKMEDIA

فۆرمی ئەلیکترۆنی خۆراک

سیستمی فۆڕمی خۆراكی ئه‌لكترۆنی له‌گه‌ڵ سیستمی پاره‌دانی ئه‌لكترۆنی به‌شێوه‌یه‌كی كاتی راگیراوه‌و به‌ڕ‌ێوه‌به‌رایه‌تی ڕ‌ێكخستنی پسووڵه‌ی خۆراكی هه‌ولێریش رایده‌گه‌یه‌نێت: ئه‌و راگرتنه‌ بۆ سه‌لامه‌تی و به‌فیڕ‌ۆنه‌چوونی پاره‌ی هاووڵاتییان و جێبه‌جێبوونی خزمه‌تگوزارییه‌كانیانه‌.

به‌ڕ‌ێوه‌به‌رایه‌تی ڕ‌ێكخستنی پسووڵه‌ی خۆراكی هه‌ولێر له‌ ڕ‌اگه‌یه‌ندراوێكدا كه‌ له‌په‌ڕ‌ه‌ی ره‌سمی خۆی له‌پلاتفۆڕ‌می فه‌یسبووك بڵاویكردووه‌ته‌وه‌ ئاماژه‌ی بۆ ئه‌وه‌كردوه‌: له‌ئێستادا خزمه‌تگوزارییه‌كانی سیستمی فۆڕمی خۆراكی ئه‌لكترۆنی به‌هۆی كێشه‌یه‌كی ته‌كنیكییه‌وه‌ له‌گه‌ڵ سیستمی پاره‌دانی ئه‌لكترۆنی به‌شێوه‌یه‌كی كاتی له‌لایه‌ن وه‌زاره‌تی بازرگانی عیراقه‌وه‌ ڕ‌اگیراوه‌.

په‌یوه‌ست به‌هۆكاری راگرتنه‌كه‌ی، ڕ‌ێكخستنی پسووڵه‌ی خۆراكی هه‌ولێر رایگه‌یاندووه‌: ڕ‌اگرتنی سیستمی فۆڕمی خۆراكی ئه‌لكترۆنی بۆ سه‌لامه‌تی و به‌فیڕ‌ۆنه‌چوونی پاره‌ی هاووڵاتییان و جێبه‌جێبوونی خزمه‌تگوزارییه‌كانیانه‌، بۆیه‌ له‌ئێستادا له‌هه‌وڵی چاره‌سه‌ركردنی سیستمه‌كه‌دان تا چاره‌سه‌ر ده‌كرێت به‌رنامه‌كه‌ به‌ڕ‌اگیراوه‌یی ده‌مێنێته‌وه‌.

PUKMEDIA