رفعەت عەبدوڵڵا: وەڵامى رۆحی بەرزی شەهیدان بەدیهێنانی ئاوات و ئامانجەكانیانە

نوسینگەى رۆژنامەوانى رفعەت عەبدوڵڵا

رفعەت عەبدوڵڵا جێگری سەرۆکی یەکێتیی نیشتمانیی کوردستان

رفعەت عەبدوڵڵا جێگری سەرۆکی یەکێتیی نیشتمانیی کوردستان، بەهۆى تێپەڕبوونى 48 ساڵ بەسەر شەهیدبوونى "شەهید ئارام"دا، پەیامێکى بڵاوکردەوە و رایگەیاند: "شەهید ئارام" نمونەی باڵای دوانەی شۆڕشگێڕی و رۆشنبیری ئێمەیە و بە میراتی شۆڕشگێڕی و بیرکردنەوەکانی لەدوای شەهیدبوونیشی پێشەنگایەتییمان دەکات.

دەقى پەیامەکە:

لەساڵیادی شەهیدبوونی (شاسوار جەلال)ی ئومێدی هەستانەوەی دوای هەرەس، لەیادی سەرکردە و تیۆرسین و سیمبولی خەباتی ڕەنجدەرانی بیروبازوو، وەفاداری ڕێباز و بیر و خەباتی (شەهید ئارام) و سەرجەم شەهیدانی کوردستانین.

(شەهید ئارام) نمونەی باڵای دوانەی شۆڕشگێڕی و ڕۆشنبیری ئێمەیە و بە میراتی شۆڕشگێڕی و بیرکردنەوەکانی لەدوای شەهیدبوونیشی پێشەنگایەتییمان دەکات.

لە یادکردنەوەی کاک ئارام و تێکڕای شەهیداندا؛ تەنها وەڵام بۆ ڕۆحی بەرزیان، بەدیهێنانی ئاوات و ئامانجەكانیانە.

ڕفعەت عەبدوڵا
جێگری سەرۆکی یەکێتیی نیشتمانیی کوردستان

PUKMEDIA