سەرۆک بافڵ: بۆ هەمیشە حسێن مەنسوور و شێرکۆ فاتیح بە زیندوویی دەمێننەوە

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان، بەهۆى 11 ساڵ تێپەڕبوون بەسەر شەهیدبوونی دوو فەرماندەی دیاری گەلەکەمان، لیوا حسێن مەنسوور و لیوا شێرکۆ فاتیح پەیامێکى بڵاوکردەوە و رایگەیاند: ئەوان دوو نموونەی باڵای دڵسۆزیی و ئازایەتی و ورە بەرزیی تێکۆشانی خەباتی کوردایەتین، کە تاوەکو دوایین ساتی شەهیدبوونیان لەپێناو شەکاوەیی ئاڵا پیرۆزەکەمان بە پێوەبوون و سەنگەریان چۆڵنەکرد و بەخوێنیان بەرگرییان لە خاکی کوردستان کرد.

دەقى پەیامەکە:

11ساڵ تێپەڕدەبێت بەسەر شەهیدبوونی دوو فەرماندەی دیاری گەلەکەمان، لیوا حسێن مەنسوور و لیوا شێرکۆ فاتیح شوانی.

ئەوان دوو نموونەی باڵای دڵسۆزیی و ئازایەتی و ورە بەرزیی تێکۆشانی خەباتی کوردایەتین، کە تاوەکو دوایین ساتی شەهیدبوونیان لەپێناو شەکاوەیی ئاڵا پیرۆزەکەمان بە پێوەبوون و سەنگەریان چۆڵنەکرد و بەخوێنیان بەرگرییان لە خاکی کوردستان کرد.

کاک شێرکۆ و کاک حسێن یادەوەرییان هەمیشە لە دڵ و ویژدانی ئێمە و یەکێتییەکان و کۆمەڵانی خەڵک بە زیندوویی دەمێنێتەوە و هەمیشە بە شانازییەوە یادیان دەکەینەوە.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA