riklam

سیناتۆرێکی ئەمریکی: وازهێنان لە کورد کارەساتە بۆ ناوبانگی ئەمریکا

کوردستان 06:04 PM - 2026-01-27
لینزی گراهام، سیناتۆری کۆماری نزیک لە دۆناڵد ترامپ Bloomberg

لینزی گراهام، سیناتۆری کۆماری نزیک لە دۆناڵد ترامپ

سووریا

سیناتۆرێکی ئەمریکی نزیک لە دۆناڵد ترامپ نیگەرانی قووڵی لە خراپبوونی دۆخی سوریا دەربڕی و هۆشداریشیدا لەوەی کورد ڕووبەڕووی هەڕەشەی جددی بونەتەوە.

لینزی گراهام، سیناتۆری کۆماری نزیک لە دۆناڵد ترامپ سەرۆکی ئەمریکا لە تۆڕی کۆمەڵایەتی ئێکس جەختی لە گرنگی ستراتیژیی هێزە کوردییەکان کردووەتەوە و بە هاوپەیمانی سەرەکی لە تێکشکاندنی داعش وەسفی کردوون، هۆشداریشیدا لەوەی وازهێنان لە کورد، کارەساتێک دەبێت بۆ ناوبانگی ئەمریکا و بەرژەوەندییەکانی ئاسایشی نەتەوەیی.

بۆ چارەسەرکردنی ئەم دۆخەش، گراهام نیازی خۆی بۆ هێنانەکایەی یاسای نوێ لەم هەفتەیەدا ڕاگەیاند و وتی: یاسای رزگارکردنی کورد، سزای توند بەسەر هەر حکومەتێک یان گروپێکدا دەسەپێنێت کە خەریکی کردەوەی دوژمنکارانەبن دژی گەلی کورد.

گراهام جەختی لەوە کردەوە کە پرۆژە یاساکە بە شێوەیەک داڕێژراوە کە بەهێز و کاریگەر بێت، باوەڕیشمان وایە پشتیوانی بەهێزی هەردوو لایەنی کۆماری و دیموکراتی بەدەستدەهێنێت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket