بکوژی سێ ئەندامی خێزانێک لەهەولێر دەستگیرکرا

PUKMEDIA

هەولێر

تۆمەتباری تاوانی کوشتنی سێ ئەندامی خێزانێک لەهەولێر، کە کوڕێک و دایک و باوکین، لەلایەن ئاسایشی هەولێرەوە دەستگیرکراوە، لێکۆڵینەوەش لە رووداوەکە بەردەوامە و ئاسایش زانیاری زیاتر بڵاودەکاتەوە.

ئاسایشی هەولێر رایگەیاندووە: ئەو تۆمەتبارەی دوێنێ دووشەممە 26-1-2026 هەڵسا بە ئەنجامدانی تاوانی کوشتنی سێ ئەندامی خێزانێک لە گەڕەکی شۆڕشی شاری هەولێر، لەلایەن هێزەکانمانەوە دەستگیرکراوەو زانیاری زیاتر لەسەر بکوژەکە بڵاو دەکەینەوە.

کەسوکارێکی کوژراوەکەش رایگەیاند: دوو لە ئەندامانی خێزانەکە خنکێندراون و کوڕەکەیان بە چەقۆ کوژراوە، کە پیشەی موهەندیسە.

ئەوەش دەڵێن: خێزانەکە، زۆر فەقیر و بێ زیان بوون، تاوەکو شەوێک پێش رووداوەکە لە ماڵی خۆیان بوون و دواتر لەلایەن پۆلیسەوە لە رووداوەکە ئاگادار کراونەتەوەو تەرمی کوژراوەکان گوێزراونەتەوە بۆ پزیشکی دادی هەولێر.

PUKMEDIA

وێنەی کوژراوەکان: