رێكخراوی تەندروستی جیهانیی: رەخنەكانی ئەمریكا ناڕاستن

رێكخراوی تەندروستی جیهانیی

WHO

سەرۆكی رێكخراوی تەندروستی جیهانیی، هۆكارەكانی واشنتن بۆ كشانەوەی لەڕێكخراوەكە رەتدەكاتەوەو رەخنەكانی ئەمەریكاش بەناڕاست ناودەبات.

پاش ئەوەی واشنتن بەڕەسمی لەڕێكخراوی تەندروستیی جیهانیی كشایەوە، تێدرۆس ئادهانۆم، سەرۆكی رێكخراوی تەندروستی جیهانیی WHO، لەپۆستێكدا لە X نووسیویەتی: بەداخەوە، ئەو هۆكارانەی بۆ بڕیاری كشانەوەی ئەمریكا لەڕێكخراوی تەندروستی جیهانی باسكراون راست نین.

ئەمەش لەكاتێكدایە، هەفتەی رابردوو، واشنتن بەڕەسمی لەڕێكخراوی تەندروستیی جیهانیی كشایەوەو میدیاكانی ئەو وڵاتە رایانگەیاند: ئێستا واشنتن لەئاستێكی سنوورداردا مامەڵە لەگەڵ رێكخراوەكەدا دەكات ئەویش تەنها بۆ جێبەجێكردنی رێكارەكانی كشانەوەیەو بۆ لەمەودا لەبری ئەوەی لەڕێگەی رێكخراوەكەوە بە وڵاتەكان بگات لەبواری كەرتی تەندروستیدا، راستەوخۆ مامەڵە لەگەڵ وڵاتانی جیهاندا دەكات.

ماوەی ساڵێكە لەدوای دەستبەكاربوونەوەی وەك سەرۆكی ئەمریكا، چەندین جار دۆناڵد ترەمپ باسی لەوە كردووە بەهۆی گەندەڵی و شكستی رێكخراوی تەندروستی جیهانیی لە روبەڕوبوونەوەی ڤایرۆسی كۆرۆنا، لە رێكخراوی تەندروستیی جیهانیی دەكشێنەوە.

PUKMEDIA