هەسەدە: سەرەڕاى ئاگربەست حکومەتى دیمەشق هێز کۆدەکاتەوە

PUKMEDIA

ئاڵاى هێزەکانى سوریاى دیموکرات و حکومەتى سوریا

ناوەندی راگەیاندنی هەسەدە رایگەیاند: سەرەڕاى بوونى ئاگربەست، بەڵام حکومەتى دیمەشق بە شێوەیەکی سیستماتیک لە ناوچەی جزیرە و کۆبانێ خەریکى ئامادەکاریی سەربازییە و هێز زیاد دەکات.

ئەمڕۆ شەممە 24ى1ى2026 ناوەندی راگەیاندنی هێزەکانی سوریای دیموکرات (هه‌سه‌ده‌) راگەیەنراوێکى بڵاوکردەوە و ئاشکراى کرد: سەرەڕای رێکەوتنامەى ئاگربەست کە لە نێوان ئێمە و حکومەتی دیمەشقدا ئیمزا کراوە، بەڵام حکومەتى دیمەشق بە شێوەیەکی سیستماتیک لە ناوچەی جزیرە و کۆبانێ خەریکى ئامادەکاریی سەربازییە و هێز زیاد دەکات.

روونیشی کردەوە: لەو چوارچێوەیەدا، ئەمڕۆ هێزەکانمان دوو هێرشی جیاوازیان لە ناوچەی جزیرە بەرپەرچدایەوە، کە پێشێلکارییەکی روونی رێککەوتنی ئاگربەستە.

ئاماژەى بە ئەوەش کرد: داوا لە کۆمەڵگەی نێودەوڵەتی و لایەنە پەیوەندیدارەکان دەکەین، هەوڵی بەپەلە بدەن، بۆ دڵنیابوون لە پابەندبوونى حکومەتى دیمەشق بە ئاگربەست و رێگریکردن لە هەر هەنگاوێک، کە هەڕەشە لە ئاسایش و سەقامگیری ناوچەکە بکات.

PUKMEDIA