لەسەر داواى یەکێتى، مووچەى شەهیدان دەخرێتە سەر عیراق

PUKMEDIA

فراکسیۆنی یەکێتی لە ئەنجومەنی نوێنەران

سەرۆکى ئەنجومەنى نوێنەرانى عیراق لەسەر داواکاریى ئەندامێکى ئەنجومەنى نوێنەرانى عیراق لە فراکسیۆنى یەکێتى، لیژنەیەک پێکدەهێنێت بۆ ئەوەى مووچەى شەهیدانى پێشمەرگەى ناوچەکانى کەرکوک و نەینەوا و دیالە بخرێتە سەر حکومەتى عیراق.

سروە محەمەد، ئەندامى ئەنجومەنى نوێنەرانى عیراق لە فراکسیۆنى یەکێتیی نیشتمانیی کوردستان رایگەیاند، لەدوایین دانیشتنى ئەنجومەنى نوێنەراندا داوامان لە سەرۆکایەتیى ئەنجومەنەکە کرد یاساى شەهیدان بچێتە بوارى جێبەجێکردنەوە.

وتیشى: داواشمان کرد مووچەى شەهیدانى پێشمەرگە و هێزەکانى دیکەى دانیشتووى ناوچەکانى (کەرکوک، نەینەوا، دیالە) کە لە شەڕى داعشدا شەهیدبوون، بخرێنە سەر عیراق و مووچەکانیان لەلایەن حکومەتى عیراقەوە خەرج بکرێت.

سروە محەمەد جەختیکردەوە، لەسەر داواى ئێمە سەرۆکایەتیى ئەنجومەنى نوێنەران لیژنەیەکى پێکهێنا بەمەبەستی لێکۆڵینەوە لە دەزگاى شەهیدان کە بۆچى تا ئێستا کاریان لەسەر نەکردووە و جێبەجێیان نەکردووە.

PUKMEDIA