دابەشکردنى نەوت لە پێنجوێن دەستپێدەکاتەوە

راگەیاندنی نەوت و کانزاکانی سلێمانی

پرۆسەی دابەشکردنی نەوت

رۆژى دووشەممە دابەشکردنی نەوت لە شارۆچکەی پێنجوێن دەستپێدەکاتەوە، کە بڕی 200 لیترە و بە بڕى 104 هەزار دینارى عیراقى بە هاووڵاتییان دەدرێت.

قائیمقامییەتی قەزاى پێنجوێن ئاگادارییەکى بڵاوکردەوە و رایگەیاند: رۆژی دووشەممە 26ى1ى2026 بۆ جاری دووەم نەوت بەسەر پێنجوێندا دابەشدەکرێت، کە 200 لیتر بە 104 هەزار دینارى عیراقى دەدرێتە ماڵان.

باسی لە ئەوەش کرد: ئەو گەڕەکانەی لە وەجبەی یەکەمدا نەوت وەردەگرن، بریتین لە: رزگاری، شارەوانی، راپەڕین، مامۆستایان و بەرباخ.

ئاماژە بە ئەوەشدا: داوامان لە دانیشتوانی خۆشەویستی پێنجوێن ئەوەیە، لە کۆڵان و دەرگاکانی خۆیاندا چاوەڕوانی دابەشکردن بکەن، چونکە هەموو گەڕەک و کۆڵانێک دەگرێتەوە بێ جیاوازی.

PUKMEDIA