محەمەد موسا: پاراستنی دەستکەوتەکانی کورد لە یەکڕیزیدایە

ئاژانسەکان

محەمەد موسا ئەمینداری گشتی پارتی چەپی کورد لە سوریا

سکرتێری گشتیی پارتی چەپی کورد لە سووریا داوا لە گەلی کورد دەکات، لە بارودۆخی ئێستادا یەکگرتوو بن و پێکەوە بوەستن، جەختیشی لەوەکردەوە کە هاودەنگی نێوان بزووتنەوە و لایەنە جۆراوجۆرەکانی کورد لەڕۆژئاوا و باکوور و باشوور و رۆژهەڵات دەرفەتێکی گەورەیە کە دەبێت سوودی لێ وەربگیرێت و پاراستنی راستەقینەی کورد لە یەکگرتوویی ئەواندایە.

محەمەد موسا ئەمینداری گشتی پارتی چەپی کورد لە سوریا رایگەیاند: ئەمڕۆ زیاتر لە جاران پێویستە گەلی کورد یەکگرتوو بن و پێکەوە بوەستن و بەرگری لە یەکتر بکەن لە بەرامبەر هێرشە بەردەوامەکان.

سەبارەت بە فەرمانی ژمارە 13 کە لەلایەن سەرۆکی حکومەتی کاتی ئەحمەد شەرع ، سەبارەت بە کورد و کولتووری کوردی دەرچووە، موسا ئاماژەی بەوەکرد، ئەم فەرمانە لە لایەن حکومەتی کاتییەوە بۆ مەبەستی بانگەوازەکە دەرچووە و هیچ شتێکی نوێی تێدا نییە، هەروەها جەختی لەوەشکردەوە مەبەستی سەرەکی دەرکردنی ئەم فەرمانە زیادکردنی ناکۆکی نێوان بزووتنەوە سیاسییە کوردییەکان و دروستکردنی شڵەژان و دووبەرەکییە و راکێشانی هەندێک لایەنە بۆ لای خۆیان".

PUKMEDIA